múzika

Pitbull haruka aviaun privadu hodi tulun vítima furakaun nian

SAPO TL, 27 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Rapper disponibiliza ona nia aviaun hodi lori ema sira ne'ebé moras ho kankru.

Pitbull desidi ona ajuda ema sira ne'ebé maka presiza liu. Rapper ho tinan 36 haruka ona nia aviaun privadu ba Porto Rico, hodi bele lori pasiente sira ho kankru ba Estadus Unidus no simu tratamentu ne'ebé sira presiza.

Jenniffer Gonzales, ne'ebé halo parte hosi kongresu nasaun nian, agradese ona ba múziku iha loron-tersa ne'e, iha Twitter. "Obrigada Pitbull tanba haruka ona ó nia aviaun privadu hodi lori ema sira ne'ebé moras hosi PR ba EUA hodi sira bele hali kimioterapia", hakerek iha publikasaun.

Iha komunikadu ne'ebé haruka ba revista People, rapper, ne'ebé nia naran loloos maka Armando Christian Perez, afirma ona: "Ha'u agradese ba Maromak tanba fó bénsaun mai ami hodi bele ajuda. Ha'u halo de'it ha'u nia parte", nia hakerek.

Personalidade sira seluk buka nafatin osan hodi ajuda ema sira ne'ebé maka afetadu hosi furakaun Maria no ne'ebé maka laiha eletrisidade no bee-moos. Ricky Martin, Jennifer Lopez ho Marc Anthony maka hanesan mós personalidade balun.

Fonte: SAPO Lifestyle /NM

komentáriu sira