múzika

Ofisina dansa sira europeia nian iha fatin barak kapital Timor-Leste nian

Sapo TL, 24 de setembru de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Fatin barak sidade Dili nian, kapital Timor-Leste nian, simu iha semana ne'e konjuntu ofisina dansa sira Europa nian, iha viajen ne'ebé maka sei hotu ho festa boot ida iha Loron Internasional Múzika nian.

Inisiativa ne'e, ho okaziaun ba Tinan Europeu Patrimonio Kultural, ho objetivu ne'ebé hanesan "aprendijazen ba dana tradisional sira" hamutuk ho "rekoñesimentu importánsia divulgasaun património imaterial, hanesan múzika no dansa, ho interkámbiu ba esperiénsia no diálogu interkultural".

Ofisina sira ne'e hanesan inisiativa ida Embaixada Portugal nian, Camões - Instituto da Cooperação e da Língua no Delegasaun Uniaun Europeia nian iha Timor-Leste, no konta ho apoiu hosi entidade sira barak iha Timor-Leste, inklui mós Ministériu Negosiu Estranjeiru no Kooperasaun, Sekretaria Estadu Artes nian, Fundasaun Oriente, Universidade Nasional Timor Lorosa'e no Eskola Parokial S. Pedro.

Ajenda ne'e prevé realizasaun entre ofisina diária sira ida ka rua hosi loron-tersa too loron-sesta, dader iha instituisaun timoroan nian - UNTL, Koléjiu Paulo VI - no lorokraik iha Sentru Kultural Portugués.

Iha loron-sesta maka loron ba ensaiu jeral ba Baile Boot Dansa nian ne'ebé sei halao iha loron 01 Outubru iha Ministériu Negosiu Estrajeiru iha Dili.

Iha nota ida ne'ebé haruka ba Lusa, organizador sira esplika ba Lusa katak dansa sira "konta istória sira povu nian hosi nasaun ida-idak, ne'ebé maka aprezenta iha festa sira, serimónia popular sira entre pasadu popular no tradisaun kontemporánea".

Durante ofisina sira ne'e sei hanorin dansa roda nian, iha liña no ho par sira ne'ebé mai hosi nasaun oioin hosi Europa, maka hanesan Fransa, Grésia no Inglatera, no sira seluk tan.

Aula sira ne'e reponsavel maka grupu Fulano, Beltrano & Sicrano, ho Leónia Oliveira.

ho Lusa

komentáriu sira