múzika

Mónica Ferraz estreia iha Timor-Leste ho konsertu iha Díli

SAPO TL, 14 de juñu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kantora portugeza Mónica Ferraz, eis-vokalista hosi grupu Mesa, aprezenta iha loron 22 Juñu oinmai nia serbisu foun sira, inklui single "Fool", iha konsertu estreia ida iha Timor-Leste.

Mónica Ferraz, tinan 39 no moris iha Porto, hahú nia kareira ho tinan 15, estreia iha tinan 2003 hanesan vokalista hosi nia banda orijinal dahuluk, projetu Mesa.

Liutiha tinan hitu, iha 2010, hahú nia kareira hodi kanta mesak ho álbun dahuluk "Start Stop", ho partisipasaun iha prinsipal festival sira iha Portugal.

Iha 2012 ho 2013 nomeiadu ba kategoria 'Best Portuguese Act', iha MTV Europe Music Awards no iha 2014 edita ona nia álbun daruak.

Agora daudaun hela iha Suisa, Mónica Ferraz serbisu ho múziku ho produtor europeu oioin, lansa tinan ne'e single "Fool".

Kantora, mai Timor-Leste iha inisiativu ida hosi NoLimit, atua iha Hotel Timor iha loron 22 Juñu kalan.

Fonte: Ajénsia Lusa

komentáriu sira