múzika

Madonna komemora nia tinan 60 ho angaria osan ba labarik Malaui sira

Sapo TL, 30 de jullu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kantora Madonna komemora hela nia aniversáriu ba dala 60 ho kampaña ida hodi angaria osan ba labarik Malaui sira, notisia hosi ajénsia Associated Press (AP) iha loron-segunda ne'e.

Madonna hatete ba AP katak nia promove hela kampaña ida iha Facebook, ne'ebé komesa iha loron-segunda ne'e no sei hotu iha loron 31 Agostu ne'e, ne'ebé maka permite ba nia admirador sira halo doasaun osan diretamente ba pájina facebook kantora nian ka sira rasik bele kria sira nia kampaña angariasaun nian.

Total hosi donativu ne'ebé hetan sei haruka ba Fundasaun Raising Malawi, refere hosi ajénsia pagamentu Ripple, ne'ebé maka sei iguala donativu sira ne'e.

Madonna sei halo tinan 60 iha loron 16 Agostu.

"Ha'u iha kompromisu ne'ebé metin atu fornese ba labarik fraku sira uma ida ho domin. Iha ha'u nia aniversáriu ne'e, ha'u la konsege hanoin prezente di'ak ida ne'ebé konekta ha'u nia familia global ho nasaun furak ida ne'e no ho labarik sira ne'ebé presiza ita nia ajuda", hatete Madonna.

Artista ne'e mós hatutan katak "dolar ida ne'ebé rai sei ba diretamente ba hahán, eskola, roupa no asistensia médika sira".

"Ha'u hakarak hasoru malu ho ha'u nian belun sira, admirador no apoiante sira hodi muda labarik Malaui sira nia moris no halo sira hatene katak sira sei han, protejidu no iha domin", subliña kantora ne'e.

Madonna, ne'ebé maka hakiak labarik na’in haat ne'e, harii Raising Malaui, iha 2006, hodi luta kontra kiak no difikuldade sira ne’ebé labarik orfaun sira no sira ne'ebé maka vulnerável hasoru iha Malaui. Iha 2017, kantora ne'e kria parte infantil ida iha hospital Malaui.

Fonte: Ajénsia Lusa

komentáriu sira