múzika

Linkin Park hamutuk ho belun sira ba konsertu-tributu ba vokalista Chester Bennington

SAPO TL, 19 de setembru de 2017

  • Chester Bennington

  • Linkin Park

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Membru sira hosi banda Linkin Park sei hamutuk iha fulan-Outubru ba konsertu úniku ida iha Los Angeles, hodi halo homenajen ba vokalista Chester Bennington, ne'ebé mate iha fulan-Jullu, fó sai hosi grupu iha loron-segunda.

Iha rede sosial Facebook, banda publika ona mensajen ida hodi hatete kona-ba "konsertu espesial ho onra Chester nian", ne'ebé sei halo iha "lendáriu Hollywood Bowl", iha loron 27 Outubru, ne'ebé sei partisipa hosi artista oioin ne'ebé maka sei fó sai.

"Sei sai hanesan kalan ida ne'ebé sei la haluha iha múzika hodi fó homenajen ba mane ida ne'ebé toka ona ema barak nia moris iha mundu tomak", hatutan hosi testu kona-ba saida maka sei sai hanesan konsertu dahuluk hosi banda hafoin vokalista nia mate.

Osan sira ne'ebé hetan iha konsertu sei fó ba fundu One Mori Light, hosi organizasaun Music For Relief, ne'ebé harii hosi instituisaun ne'ebé Bennington uluk ajuda hodi harii.

Chester Bennington, vokalista ida hosi banda metal alternativu Linkin Park, oho aan iha fulan-Jullu liubá, iha uma, iha sidade ida iha kondado Los Angeles nian, ho tinan 41.

Hafoin hatene nia mate, membru na'in lima seluk hosi banda kansela konsertu ne'ebé maka sira ajenda ona hodi halo.

Hahú iha tempu ne'ebá, banda lansa ona plataforma ida hodi prevene ema hodi oho aan iha pájina http://chester.linkinpark.com/, hodi fó sai informasaun no kontaktu sira apoiu nian.

Chester Bennington halo parte iha Linkin Park iha 1999, liutiha tinan tolu hafoin formasaun hosi banda ne'ebé edita ona nia álbum estreia “Hybrid Theory”, iha tinan 2000.

Disku, ne'ebé halo parte mós tema sira hanesan “In the End”, “Crawling” ho “One Step Closer”, fa'an kópia hamutuk millaun sanulu iha de'it Estadus Unidus.

Múziku mate husik feen no oan na'in neen.

Álbum foun liu hosi banda, “One More Light”, edita ona iha fulan-Maiu. Aleinde Linkin Park, Chester Bennington halo mós parte hosi Dead by Sunrise no sai ona vokalista hosi Stone Temple Pilots entre tinan 2013 ho 2015.

ho Lusa

komentáriu sira