múzika

Lady Gaga kansela konsertu tanba razaun saúde nian

SAPO TL, 05 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Lady Gaga kansela ona konsertu iha loron-segunda ne'e, 4 setembru, iha Montreal, iha Kanadá. Iha rede sosial, kantora esplika katak hetan konstipasaun hafoin halo atuasaun iha udan laran iha estádiu Citi Field, iha Nova Iorke.

"Ha'u senti triste tebes tanba la konsege halo atuasaun iha kalan ne'e. Ha'u kanta totalmente iha diretu iha espetákulu ne'e no ha'u senti orgullu tanba ha'u fó buat hotu maibé bainhira ha'u kanta iha udan laran iha Citi Field, ha'u moras (...) Ha'u husu deskulpa ba ema tomak", Lady Gaga hakerek iha Instagram.

Kantora fó sai kanselamentu oras rua antes hahú konsertu, nune'e hamosu kesar balun hosi fã sira iha rede sosial sira.

Iha loron 15 Setembru oinmai, Lady Gaga halo atuasaun iha Rock in Rio Brazil, iha Rio de Janeiro.

Artista pop halo nia solo ikus iha 2014, halo ona atuasaun iha palku hamutuk 74. Tuir revista Billboard, Gaga fa'an ona billete iha mundu tomak hamutuk 920 088 resin.

Ho disku ikus, "Joanne", Gaga manán ona top mundial prinsipal sira, hetan ona lideransa hosi Billboard 200. "Perfect Illusion" ho "Millions Reasons" sai hanesan tema prinsipal rua hosi álbum no halo parte iha lista hosi knananuk sira ne'ebé rona liu iha tinan 2016.

Fonte: SAPO Mag

komentáriu sira