múzika

Katy Perry kondenadu tanba kópia iha knananuk "Dark Horse"

SAPO TL, 31 de jullu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Artista norte-amerikana Katy Perry hetan ona kondenasaun, iha tribunal Los Angeles, iha Califórnia, tanba kópia hosi knananuk “Joyful Noise”, hosi kantor ‘rap’ kristaun Flame, ba tema “Dark Horse”, hosi tinan 2013.

Desizaun unánime hosi júri, kompostu hosi membru na'in sia, aprezenta iha loron-segunda, liutiha tinan lima hafoin akuzasaun ne'e halo hosi Marcus Gray, naran loloos hosi ‘rapper’ Flame.

Faze sentensa nian, hahú iha loron-tersa ne'e ho aprezentasaun hosi argumentu sira, sei determina kuantia ne'ebé maka Katy Perry sei selu tanba violasaun hosi direitu autor nian.

Iha desizaun ne'ebé husik ema barak iha sala hakfodak, juradu sira konsidera ona katak kompozitor na'in neen no empreza haat ne'ebé maka edita ona no fahe knananuk sira ne'e hanesan responsável sira, inklui Perry - ne'ebé la marka prezensa - ho Sarah Hudson, ne'ebé hakerek de'it letra, aleinde Juicy J, ne'ebé hakere ‘rap’.

Editora amerikanu Capitol Records ho Katy Perry nia produtor sira, Dr. Luke, Max Martin ho Cirkut, konsidera mós hanesan kulpadu iha kazu.

Advogadu sira hosi ‘rapper’ Marcus Gray argumenta ona katak "batida ho liña instrumental ne'ebé aprezenta iha metadu hosi knananuk 'Dark Horse' ne'e hanesan, substansialmente, ho ‘Joyful Noise’”, haktuir hosi AP.

Hodi defende, Katy Perry nia advogadu sira hatete ona katak "parte sira hosi knananuk ne'e reprezenta tipu hosi elementu muzikal simples ne'ebé, sujeitu ba avaliasaun hosi direitu autoral sira, bele prejudika kompozitor sira hotu".

Christine Lepera, advogada hosi artista, afirma ona katak "kompozitor sira tenta konstrui konjuntu múzika sira, iha alfabetu muzikal ne'ebé sei hanesan asesivel ba ema tomak".

Maibé, júri la konkorda ho defini ona katak batida sira hosi knananuk “Joyful Noise” hanesan, sufisiente, orijinal sira hodi hetan protesaun hosi direitu autor sira nian.

“Dark Horse”, ho nomeasaun ida ba Grammy ida, iha tinan 2015, konstitui repertóriu hosi Katy Perry iha nia performance, iha tinan hanesan, iha intervalu hosi final futebol amerikanu nian, Super Bowl.

Katy Perry, artista hosi ‘pop-rock’ hanesan mós autora hosi álbun sira hanesan “One of the Boys”, hosi 2007, ne'ebé integra ‘single sira’ “I Kissed a Girl” ho “Hot N Cold”, “Teenage Dream”, disku ne'ebé lansa iha tinan 2010, ho, ikus “Witness”, hosi tinan 2017.

Fonte: Ajénsia Lusa

komentáriu sira