múzika

Eurovizaun: Brazil ho Indonézia mós desfila iha "blue carpet" iha Lisboa

SAPO TL, 07 de maiu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Brazil ho Timor mós marka prezensa iha "blue carpet" iha Festival Eurovizaun Kansaun nian, ne'ebé hala'o iha loron-domingu loraik iha Lisboa, ho Letónia reprezenta hosi brazileira ida no Austrália hosi timoroan ida nia oan-feto.

Laura de Carvalho Rizzoto, tinan 23, moris iha Rio de Janeiro, nia hela fatin, no bisneta hosi ema portugés sira, hosi parte inan nian, no letã hosi parte aman nian, agora iha Lisboa hodi reprezenta Letónia.

"Ha'u nia aman toka Rui Veloso mai ha'u bainhira ha'u sei ki'ik", nia hatete ba Lusa, ho portugés Brazil nian, iha "blue carpet" ne'ebé halo iha Muzeu Arte, Arkitetura ho Teknolojia (MAAT), ne'ebé maka reprezentante sira hosi nasaun 43 ne'ebé partisipa iha festival halo desfila.

Laura, ne'ebé lori tema “Funny Girl” ba Eurovizaun, serbisu iha múzika dezde tinan 15 no durante peskiza ida hosi viajen ida ba Letónia maka nia hatene katak sei hala'o selesaun múzika ida ne'ebé sei aprezenta nasaun ne'e iha konkursu.

"Ha'u senti animada no kanta iha palku ida hanesan ha'u nia favorita. Hanesan onra boot ida reprezenta Letónia. Klima entre partisipante sira hanesan amigável tebes no organizasaun hanesan di'ak tebes", afirma hosi kantora ne'ebé mai dala ida de'it iha Portugal hodi grava posta aprezentasaun nasaun nian.

Iha prezensa dahaat iha Festival Eurovizaun, Austrália reprezenta hosi Jessica Mauboy, ne'ebé nia aman hosi timor osidental, iha Indonézia.

"Ha'u iha sorte moris ho kultura hosi ha'u nia aman no ha'u aprende ona dialetu oioin. Halo parte hosi liña raan ne'e halo ha'u haksolok tebes", afirma hosi kantora iha deklarasaun sira ba ajénsia Lusa ho lian inglés.

Jessica hatudu mós katak nia senti "orgulloza" tanba reprezenta Austrália iha kompetisaun ho knananuk "We Got Love".

"Ha'u senti ansioza maibé iha tempu hanesan senti mós orgullu. Ha'u senti nervoza oituan bainhira ha'u simu konviti no durante audisaun sira", nia konta.

Azerbaijaun nia knananuk mós konta ho partisipasaun hosi portugés ida, kantor Rui Andrade ne'ebé halo parte hosi koru knananuk “X My Heart”.Iha tinan 2014, kantor portugés halo parte ona hosi koru iha knananuk hosi Rúsia.

"Ekipa kriativu [ne'ebé nia serbisu hamutuk iha 2014] hanesan ekipa tinan 2018 ne'ebé maka serbisu ho Azerbaijaun. Hanesan di'ak tebes tanba ema estranjeiru mai buka talentu portugés", afirma hosi kantor ne'e ba Lusa, ne'ebé "iha nível profisional" sei fó apoiu ba Azerbaijaun maibé "tuir emosaun" hakarak atu Portugal hetan "klasifikasaun di'ak".

Semifinal sira hosi edisaun ba dala 63 hosi Festival Eurovizaun Kansaun nian ne'ebé halo iha loron-tersa ho loron-kinta, iha Altice Arena, grande final sei halo iha loron-sábadu, iha fatin hanesan. Portugal, hanesan nasaun anfitriaun, tama kedas ba final, no reprezenta hosi Cláudia Pascoal ho tema “O Jardim”.

Portugal manán ona Festival, ba dala uluk, iha tinan 2017 iha Kiev, Ukránia, ho knananuk “Amar pelos Dois”, ne'ebé interpreta hosi Salvador Sobral no hakerek hosi nia bin, Luísa Sobral.

Fonte: Ajénsia Lusa

komentáriu sira