múzika

Drake halakon Beatles nia rekord ho nia knananuk hitu iha Top 10 iha tabela Billboard nian

Sapo TL, 11 de jullu de 2018

  • Aubrey Graham (Drake)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kantór no kompozitor kanadianu Drake, iha tema 7 iha Top 10 husi Billboard iha tempu ida deit, halakon tiha Beatles ne'ebé maka iha de'it tema lima iha tinan 1964.

Nia tema "Nice for what" tama fali iha pozisaun dahuluk iha tabela hafoin hetan deit pozisaun daneen iha semana kotuk. Pozisaun daruak maka ho estreia hosi "Nonstop" no, tuir ordem, tuirmai maka “God’s Plan”, “In My Feelings”, “I’m Upset”, “Emotionless” ho “Don’t Matter to Me”, ne'ebé hetan invensaun vokal husi Michael Jackson iha gravasaun antes.

Fatin tolu seluk ne'ebé hosi Top 10 ne'e rai ba Cardi B, iha pozisaun datoluk, Maroon 5,iha fatin dalima, no ikus liu ba XXXTentacion, "rapper" ne'ebé hetan tiru no mate iha fulan-juñu ne'e, ho nia muzika "Sad!".
Lista Billboard ne'e halibur knananuk sira ne'ebé ema rona liu iha semana ida nia laran iha Estadus Unidus, ba popularidade no mos ba informasaun fa'an no transmisaun nian.

Drake hetan ona susesu dala 31 iha Top 10, no hanesan ona ho Rihanna, iha fatin datoluk, no iha nia oin maka iha Beatles ho susesu hamutuk 34 no Madonna ho susesu hamutuk 38.

Drake lansa nia álbum “Scorpion” iha final fulan-Juñu nia rohan, no, to'o agora ne'e muzika hamutuk 25 husi album ne'e tama iha hotu "Hot 100" iha Billboard.

Hahú tinan 2009, Drake, hetan ona pozisaun daruak, iha ona muzika sira hamutuk 186 iha tabela iha Top 100 Billboard nian, iha fatin daruak, tuir kedas elenku husi série amerikanu "Glee", ne'ebé maka iha 207 hosi nia knananuk sira iha tabela ne'e.

Kantor no kompozitor ne'e hahú nia kareira ho tinan 17 iha serie televisaun " Degrassi: The Next Generation”, ne'ebé nia partisipa iha epizodio hamutuk 138. Iha tinan 2006, Drake, lansa nia "mixtape" dahuluk, "Room for Improvment", no nia primeiru albun estúdiu “Thank me Later” lansa iha tinan 2010.

Ho Lusa

komentáriu sira