múzika

Artista ho asendénsia timoroan simu prémiu prestijiozu Doris Duke Award 2016

SAPO TL, 05 de maiu de 2016

  • Jen Shyu

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kompozitora no kantora norte-amerikanu ho orijen timoroan Jen Shyu hanesan vensedora ida hosi edisaun Prémiu sira Doris Duke tinan ne'e, programa ida ne'ebé rekoñese potensial hosi artista sira no garanti nia futuru di'ak.

Inisiativu hosi Duke Charitable Foundation hamutuk ho Creative Capital hosi Prémiu sira Doris Duke Performing Artist maka hakarak "kapasita, investe no selebra" artista sira, oferese ba sira finansiamentu iha merkadu ida ne'ebé sira susar hetan apoiu sira.

Lansa iha tinan 2011 programa ne'e apoia artista sira iha área sira dansa kontemporáneu, teatru, jazz no serbisu interdisiplinar sira seluk ne'ebé iha relasaun, hodi fó ba área ida-idak osan dolár rihun 250.

"Apoiu sira la determina ba projetu espesífiku ruma maibé hakarak hametin investimentu sira iha dezenvolvimentu pesoal no profisional no iha serbisu foun hosi artista sira", esplika hosi Duke Foundation.

Jen Shyu antes simu ona prémiu ida hosi fundasaun, Doris Duke Impact Awards (ho folin dolár rihun 80).

Nia aman ema taiwanés no inan ema timoroan, Shyu hanesan vokalista jazz esperimental ida no multi-intrumentista ida ne'ebé kanta iha lian inglés, lian koreanu, lian indonéziu ho lian tétum - ko'alia di'ak iha lian mandarin, lian portugés no lian españól.

Iha tinan liubá nia lansa ona "Sounds and Cries of the World", ne'ebé tuir nia esplika ba Lusa katak hetan influénsia hosi mehi sira Timor-Leste nian, esperiénsia múzika barak hosi kontinente aziátiku no viajen ida ba abut hosi nia família timoroan nian.

Iha tinan liubá Shyu tama iha mundu luzófonu, ho poezia hosi brazileira Patricia Magalhães hodi marka álbun "Inner Chapters", ne'ebé knananuk sira barak liu ho lian portugés.

Iha entrevista ida ba Lusa iha tinan liubá, Jen Shyu fó hanoin nia vizita dahuluk iha Timor-Leste, iha tinan 2010, mehi sira ne'ebé marka ona durante estadia fulan tolu - "ha'u hakerek iha dadeer, bainhira hadeer" - no influénsia hosi viajen múzika sira ne'ebé nia halo.

"Sai hanesan aspetu sentrál ida iha ha'u nia prosesu kriativu. Ha'u estuda múzika tradisional no tradisaun nu'udar kompozitora ne'ebé respeita no fó onra ba linguajen ne'e. Iha múziku barak hosi jazz maka tama iha linguajen tradisional ne'ebé halo parte iha nia sonorizasaun", nia esplika.

Tema sira hosi nia álbun iha influénsia diretu hosi nia vizita iha Timor-Leste, hato'o nia mehi sira no hosi artista timoroan ida, Kiki Zelara, ne'ebé integra iha koletivu artístiku timoroan sira Arte Moris.

Influénsia timoroan nian iha álbun hahú hosi kapa ne'ebé hanesan pintura hosi Maria Madeira, artista timoroan ida ne'ebé hela iha Austrália no reflete to'o pasajen maka'as hosi relatóriu hosi Komisaun Akollimentu Lia-Loos no Rekonsiliasaun nian (CAVR) timoroan.

"Song for Naldo" hanesan ezemplu maka'as ida, hodi fó hanoin iha letra tortura ne'ebé ema timoroan sira hetan no hatudu mehi sira ne'ebé Jen Shyu konstrui, ho dalan orgániku, hakerek letra no knananuk iha tempu hanesan, ho lian hosi Gatkim, "Guitara Fulan nian" Taiwan nian.

Iha aliansa ne'e, inklui knananuk tradisional ida ne'ebé nia aprende ona "kanta iha lian tétum ho mestre Marçal" iha besik Aileu, iha súl Díli nian.

Nia knananuk hanesan esperimental no eklétiku, fó sai influénsia oioin ne'ebé marka nia moris no efeitu sira hosi investigasaun ne'ebé nia halo durante viajen ba nasaun oioin.

Komponente líriku kahur entre sureal no imajináriu, ho knananuk hato'o improvizu no iha benefísiu hosi múziku sira ne'ebé hili estilu hanesan ne'e: Ambrose Akinmusire iha trompeta, Mat Maneri iha violinu, Thomas Morgan iha baixu no Dan Weiss iha bateria.

Simu krítiku pozitivu sira - The Guardian hakerek kona-bá nia hanesan "fenómenu notável" ida, Jen Shyu iha ona serbisu di'ak tebes iha estúdiu, ho álbun oioin hosi lansamentu dijital nian no mós iha projetu espesial oioin.

ho Lusa

komentáriu sira