moris di'ak

Xokolate suisu foun promete hakotu ho moras ne'ebé menstruasaun halo

SAPO TL, 08 de novembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Tuir mentor hosi xokolate Frauenmond, aleinde saborozu, alivia mós moras sira ne'ebé mosu tanba menstruasaun tanba kombinasaun di'ak ida hosi ai-tahan sira transalpinu sira nian.

Marc Widmer, xokolatier suisu ida, hatete katak deskobre ona dalan ida hodi alivia moras sira ne'ebé mosu tanba menstruasaun. Xokolate, ne'ebé iha 60% kakau, iha ai-tahan sira hamutuk 17 ne'ebé mai hosi foho Alpes Suisu sira nian.

Interasaun entre xokolate ho ai-tahan sira hamosu aumentu ida hosi nível sira serotonina, hormona ida ne'ebé hamenus deskonfortu, aumenta sensasaun prazer nian, aumenta humor no relaxa múskulu sira. Nune'e alivia lalais moras menstrual sira iha tempu hanesan ba ema ne'ebé bele koko sabor hosi xokolate alpinu.

Ideia ne'e mosu iha tinan tolu liubá, bainhira Marc Widmer iha paseiu ida hosi foho sira no deskobre benefísiu sira hosi ai-tahan sira ne'e. Marc hanoin atu kahur ho xokolate hodi bele halo saborozu no nakonu ho benefísiu sira.

Mane sira bele haan xokolate ne'e, Marc hatete iha entrevista ba jornal suisu "30 Minuten".

Produtu ne'e kria hosi empreza ho sede iha Lucerne, Chocolate with Love.

Fonte: SAPO Lifestyle

komentáriu sira