moris di'ak

Susubeen inan funsiona hanesan vasina ida maibé laiha nasaun ida kumpri padraun rekomendadu

SAPO TL, 07 de agostu de 2017


  • Hora da amamentação / Labele bá iha oras ne’ebé inan fó susu ninia-oan, tanba nu’udar momentu íntimu

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Laiha nasaun ida kumpri iha totalidade padraun sira ne'ebé rekomenda hodi fó susubeen inan nian, haktuir hosi relatóriu foun ida UNICEF nian no hosi Organizasaun Mundial Saúde (OMS) hamutuk ho Global Breastfeeding Collective - inisiativa ida ne'ebé harii hodi aumenta taxa hodi fó susubeen inan nian iha nível global.

Tabela hosi Klasifikasaun Mundial kona-ba Fó Susubeen Inan nian (Global Breastfeeding Scorecard), ne'ebé avalia ona nasaun 194, konklui katak 40% de'it hosi labarik sira ne'ebé ki'ik liu fulan neen maka hemu susubeen inan nian exkluzivu no iha de'it nasaun hamutuk 23 maka iha taxa fó susubeen inan aas liu 60%.

Hatudu ona katak susubeen inan nian iha benefísiu kognitivu sira no saúde nian ba kosok-oan sira no mós ba inan sira. Prátika ne'e hanesan importante tebes durante fulan neen dahuluk moris nian, tanba ajuda prevene moras sira hanesan diareia no pneumonia, kauza prinsipal rua ne'ebé maka halo kosok-oan sira mate. Inan sira ne'ebé fó susu ladún iha risku hodi dezenvolve kankru ováriu no kankru susun nian, kauza prinsipal rua ne'ebé halo feto sira mate.

"Fó susubeen inan fó ba kosok-oan sira posibilidade hahú moris ne'ebé di'ak", esplika hosi Tedros Adhanom Ghebreyesus, diretor-jeral hosi OMS, iha komunikadu. "Susubeen inan funsiona hanesan vasina dahuluk kosok-oan nian, tanba proteje nia hosi moras sira ne'ebé bele halo nia mate no fó ba nia nutriente sira ne'ebé nia presiza hosi moris no hodi dezenvolve".

Estudu "Nurturing the Health and Wealth of Nations: The Investment Case for Breastfeeding" sujere katak kumprimentu hosi objetivu ne'e bele salva moris hosi labarik hamutuk 520.000 ne'ebé seidauk to'o tinan lima no bele hamosu benefísiu ekonómiku iha folin dolar biliaun 300 iha tinan 10 nia laran, tanba diminuisaun moras sira no diminuisaun kustu saúde nian no aumentu ba produtividade.

Fonte: SAPO Lifestyle

komentáriu sira