moris di'ak

Susubeen fó duni forsa ba ruin sira?

Sapo TL, 26 de maiu de 2014

Agora daudaun, susubeen signifika ruin forte. Kleur ona maka sai hanesan rekomendasaun ida hosi médiku ba pasiente sira.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ema sira ne'ebé iha tinan ualu ba leten tenki hemu pelumenus kopu tolu susubeen nian iha sira nia dieta loron-loron. Maibé, iha tinan hirak ikus ne'e espesialista sira hahú hamosu kestaun kona-bá benefísiu loloos susubeen nian iha konstrusaun no manutensaun ruin nian. Susubeen tulun duni atu halo forsa ruin sira?

Komponente ida importante iha susubeen maka kálsiu. Minerál ne'e fó kbiit estruturál ba ruin no nehan sira no tulun ema ninia isin atu halo funsaun sira seluk hanesan koagulasaun raan nian no transmisaun ba impulsu nervozu sira nian. Bainbain, isin hetana kálsiu ne'ebé presiza liuhosi dieta maibé, karik dieta ladún iha minerál ne'e, organizmu hahú hasai kálsiu hosi ruin no nehan sira, halo sira sai fraku liu. Nune'e maka iha rekomendasaun loron-loron atu hemu susubeen ka produtu lákteu sira.

Maibé, iha tinan hirak ikus ne'e, investigadór oioin argumenta katak susubeen bele halakon kálsiu iha ruin. Teoria, ne'ebé koñesidu ho naran "sinza kálsiu nian", defende katak hemu susubeen bele hamosu rezídiu ásidu ne'ebé halo urina (no ema ninia isin) sai ásidu liu. Atu kompensa asidifikasaun ne'e, organizmu ba foti rezerva minerál alkalinu sira - hodi neutraliza asidez - hanesan kálsiu.

Hafoin aprezenta tiha teoria ne'e, sientista balun hahú nega no iha tinan 2011 hato'o argumentu katak hipóteze ne'e hanesan jeneralizadora no falsu, refere hosi Huffington Post. Investigadór sira ne'e argumenta, hanesan ezemplu, katak pH urina nian la indikativu ho pH isin nian. Estudu hanesan defende katak konsumu susubeen nian halo urina sai alkalinu no la'ós ásidu.

Maski estudu sira seluk argumenta katak taxa fratura ruin sira nian aas liu iha nasaun sira ne'ebé konsumu liu produtu lákteu sira, investigasaun sira ne'ebé publika iha 2011 hatudu katak iha fatór sira seluk ne'ebé influensia saúde ruin nian aleinde dieta ne'ebé halo, hanesan atividade fíziku, jenétiku no pezu. Taxa ruin tohar sira iha nasaun dezenvolvidu sira bele akontese tanba pezu todan liu no sedentarizmu no la'ós tanba susubeen.

Diskusaun kona-bá hemu susubeen kontinua iha kontroversa iha komunidade sientífiku sira. Maibé, iha jerál, invetigasaun sira hatudu katak konsumu produtu lákteu sira fó benefísiu ba saúde ruin nian, tanba iha nutriente sira ne'ebé halo susubeen aleinde kálsiu.

Sapo TL ho Green Savers PT

komentáriu sira