moris di'ak

Sientista japunés anunsia teste klíniku sira ba vasina foun hasoru Ébola

SAPO TL, 06 de dezembru de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ekipa ida hosi sientista japuneza sira anunsia iha loron-sesta ne'e katak sei hahú halo teste iha ema sira ba vasina foun ida hasoru vírus Ébola, ne'ebé agora daudaun afeta Repúblika Demokrátika Kongo nian.

Vasina halo ho baze iha forma inativu ida hosi vírus ne'ebé maka halo ona teste iha animal sira iha Institutu hosi Siénsia Médika hosi Universidade Tókio nian no ekipa hein atu konsege "vasina seguru ida no bele halo ho dalan efikaz", afirma hosi espesialista iha moras infesiozu sira Yoshihiro Kawaoka.

Voluntáriu hamutuk na'in 30 resin, mane ho feto saudável sira, sei partisipa iha ensaiu klíniku sira ba vasina hasoru Ébola, ne'ebé transmiti liuhosi raan no fluidu isin sira seluk no ne'ebé nia sintoma maka isin-manas maka'as, isin moras ho moras iha artikulasaun sira, ulun-moras, kakorok moras ho hemorajia.

Iha média, vírus ne'e oho ba metade hosi ema sira ne'ebé infetadu maibé taxa mortalidade nian to'o 90%, haktuir hosi Organizasaun Mundial Saúde nian.

Epidemia iha Repúblika Demokrátika Kongo halo ona ema na'in 2.200 mate dezde Agostu 2018 no hanesan ida ne'ebé maka todan liu dezde verifika entre tinan 2014 no 2016, ne'ebé halo ona vítima liu na'in 11.000.

Fonte: Ajénsia Lusa

komentáriu sira