moris di'ak

Sientista alemaun sira tenta halo vasina hasoru kankru

SAPO TL, 02 de juñu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Investigador alemaun sira tenta daudaun halo vasina universal ida hasoru kankru tanba téknika ida ne'ebé hanorin sistema imunitáriu hodi ataka sélula aat sira.

Tuir estudu ida, investigadór sira hosi Universidade Mainz uza ona nanopartíkula sira ne'ebé iha ásidu ribonucleico (ARN) hosi tumor ida, responsável ba síntese hosi proteina sira sélula nian, hodi simula instruzaun hosi ajente patojéniku ida iha raan nia laran no hamosu resposta ida hosi sistema imunitáriu.

Revista subliña katak investigadór sira konsege hamenus resposta sira antitumor iha laho sira no, iha faze esperimental dahuluk iha pasiente sira ho melanoma avansadu.

Investigasaun ne'ebé publika iha loron-kuarta iha revista Nature "karik reprezenta hakat ida iha vasina universal ida hasoru kankru", hakerek iha estudu ne'e.

Sientista sira deskobre ona katak susar hetan mekanizmu vasinasaun ida ne'ebé di'ak tanba aspetu barak hosi sélula sira kankru nian hanesan ho sélula sira ne'ebé saudavel.

Métodu halo de'it resposta defensivu ida efisiente bainhira sélula sira kankru nian produz antijéniu sira - substánsia sira ne'ebé favorese kriasaun hosi antikorpu.

Resposta imunitáriu ba kankru hanesan limitadu, tanba kresimentu hosi tumór sira la akompaña hosi sinal inflamatóriu vizivel no detektavel sira ba sélula sira hosi sistema imune, hanesan sira ne'ebé akontese durante infesaun mikrobianu no aumenta resposta imunitáriu.

Fonte: SAPO Lifestyle

komentáriu sira