moris di'ak

SIDA oho ema hamutuk rihun 70 iha tinan 2017 iha Mosambike

Sapo TL, 18 de jullu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kuaze ema rihun 70 mate iha Mosambike tanba SIDA iha tinan 2017, anunsia hosi Konsellu Nasional ba Kombate Sida (CNCS).

Iha total, ema millaun rua resin moris ho moras ne'e to’o final tinan kotuk ne'e iha nasaun ne'e, tuir diretór ezekutivu CNCS nian, Francisco Mbofana, ne’ebé mensiona hosi diáriu Notisia.

Hosi numeru total hosi ema ne'ebé maka infetadu, labarik hamutuk na’in 168.763 to’o tinan 14 no restu mesak ema boot.

Iha tinan 2017, infesaun tuun tiha 15% no númeru ba unidade sanitária sira ne'ebé maka fó tratamentu anti-retroviral aumenta ba 57% iha nasaun laran tomak.

Apezarde iha ema barak ne'ebé iha benefisiu ba tratamentu anti-retroviral ne'e no númeru ba unidade sanitária ne'ebé maka oferese servisu ne'e aumenta, Mosambike sei dook atu atinji objetivu ne'ebé fo hosi ONU ba tinan 2020 iha kombate ba moras ne'e.

Governu mosambikanu kalkula katak 64% hosi populasaun infetadu iha koñesimentu ba sira nian situasaun no iha grupu ne'e 54% de’it maka iha hela tratamentu anti-retroviral, no ne'ebé 40% maka hetan eliminasaun viral - objetivu atu to’o iha 90% ba patamar hotu.

Nasaun ne'e kontinua iha pozisaun daruak iha Áfrika Austral no Oriental ho númeru ne'ebé boot ba infesaun foun tinan-tinan, tuir kedas Áfrika-Sul, konforme informasaun hosi ajénsia UNAIDS tinan 2016 nian.

ho Lusa

komentáriu sira