moris di'ak

Sexu, droga ho múzika ativa susbtánsia kímiku hanesan iha kakutak, hatete hosi estudu

SAPO TL, 08 de fevereiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Sensasaun prazer ne'ebé sexu fó, droga fó ka hahán halo hanesan regula hosi sustánsia kímiku hanesan ne'ebé mosu bainhira ita rona múzika, haktuir hosi estudu ida ne'ebé publika iha revista Nature iha loron-kuarta ne'e.

"Ne'e hanesan prova dahuluk ida ne'ebé opióide sira hosi kakutak iha ligasaun direta ho prazel múzika nian", afirma hosi autór ida hosi estudu ne'e, Daniel Levitin, hosi universidade kanadianu McGill, hosi Montreal, ba ajénsia Efe.

Sientista sira hatete katak atividade humanu balun, hanesan hemu hemun sira ho álkol, iha relasaun seksual sira ka joga karta sira, no atividade sira seluk, bele sai mós hanesan dependénsia sira ne'ebé estraga moris ka relasionamentu, tanba ne'e sira konsidera importante estudu ba neurokímiku prazer nian.

Uza ona naltrexona, ai-moruk ida ne'ebé uza iha tratamentu ba ema toxikodependente sira, hodi blokeia opióide sira hosi kakutak seletivu no verifika ona katak partisipante na'in 17 iha estudu la senti sensasaun prazer nian ne'ebé sira nia knananuk preferidu sira fó.

"Impresaun sira ne'ebé sira fahe ho ami hafoin experiénsia ne'e hanesan extraordináriu tebes", hatete hosi Levitin, hodi konsidera katak deskoberta sira iha estudu "hatudu tan prova sira kona-ba baze biolójiku evolutivu hosi múzika" no efeitu ne'ebé bele mosu iha ema moris, hanesan nia kapasidade hodi afeta maka'as emosaun sira.

Partisipante ida iha estudu, bainhira rona nia knananuk preferidu ida bainhira iha efeitu naltrexona, hatete: "Furak, maibé laiha signifikadu mai ha'u".

ho Lusa

komentáriu sira