moris di'ak

Sasan hirak ne’ebé di’ak ba bebé sira

SAPO TL, 23 de novembru de 2016

Hatene maka hirak ne’ebé

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Halimar hanesan asuntu ne’ebé sériu, bainhira ko’alia kona-ba dezenvolvimentu labarik nian.
Liu tan ida ne’e, to’o tinan ida, sasan ba bebé sira ladun barak, tanba ne’e maka iha materiál, forma nomós ladun halimar barak ho sira.


Karik hakarak sosa brinkedu foun ba imi-nia bebé ka atu oferese prezente lúdiku ba família ka oan hosi imi-nia belun mane no feto nian ruma, maka bele halo tuir rekomendasaun hosi espesialista sira. Brinkedu di’ak ne’ebé bele fó ba sira maka hanesan:


Mobile
Hosi ninia kór, forma/modelu nomós lian, sei ajuda kiik-oan sira atu dezenvolve sira-ninia “kapasidade hodi buka tuir no kordenasaun vizuál ho auditiva”, hakerek Mário Cordeiro, pediatra, iha obra «O Grande Livro do Bebé» (A Esfera dos Livros), no tuir nia, objetivu refere bele tau ka rai iha bebé ninia bersu sorin, la’os iha parte leten.


Brinkedu hodi monta/montajen
Ho forma oioin, kór nomós tamañu ne’ebé lasees malu, ajuda atu dezenvolve motrisidade fina, kapasidade bebé nian hodi identifika buat hirak ne’ebé hanesan, halo bebé sira koñese kór nomós kria relasaun entre sasan hirak ne’e.


Boneka hirak ne’ebé lian
«Hanorin bebé sira kona-ba prinsípiu hosi motivu nomós efeituo», esplika Louis e Joe Borgenicht, pediatra, iha «Bebé-Livro de Instruções» (Arte Plural Edições). Karik labarik sira maka ka’er, di’ak liu tan, atu nune’e bele “dezenvolve sira-ninia kapasidade hodi ka’er no hatene kona-ba sasan ne’e.


Sujestaun seluk
Xave hirak ne’ebé ho kór oioin, superfísie espellada, brinkedu ne’ebé halo ho boraxa no plástiku, tapetes atividade nomós livru tuir bebé idaidak ninia idade.

Textu: Nazaré Tocha

komentáriu sira