moris di'ak

Rezultadu eskola nebe ladi'ak karik relasionadu ho alimentasaun nebe ladi'ak

SAPO TL, 09 de novembru de 2015

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Alimentasaun ida nebe nakonu ho na'an mean, bokur no midar sira bele iha relasaun ho aproveitamentu labarik sira nian nebe ladi'ak iha eskola. Konkluzaun sira ne'e halo hosi estudu ida nebe akontese iha Austrália nebe halo hosi ekipa ida espesialista sira nian no publika iha revista Nature.

Ekipa identifika ona dieta osidentál, nebe nakonu ho na'an mean, midar, hahán ho mina barak, fariña, hemun sira ho masin-midar barak no na'an prosesadu sira, hanesan "faktór ida risku nian ba dezempeñu akadémiku nebe ladi'ak durante adolesénsia, períudu ida nebe sensível ba kakutak no faze ida iha moris vulnerável kona-bá nutrisaun", haktuir hosi estudu.

Tuir estudu ida nebe fó sai, iha média rezultadu sira matemátika, hakerek no leitura hosi joven sira nebe halo dieta osidentál maka 7% ki'ik liu duké rezultadu sira nebe hetan hosi adolesente sira nebe halo dieta bazeia iha modo-tahan no sereais integrál sira.

@SAPO Timor-Leste

komentáriu sira