moris di'ak

Razaun (barak) tansá maka tenki aumenta haan liis mutin

SAPO TL, 16 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Proteje sistema imunitáriu, iha asaun antibiótiku ida no barak tan. Estudu ida norte-amerikanu nian halo ligasaun mós ba nia injestaun ho diminuisaun ba risku kankur kólon nian.

Prínsipiu ativu importante liu hosi liis mutin maka alisina ne'ebé halo intervensaun hamutuk ba nível imunu, tumor/kankru no mikrobiolójiku nian. Tuir estudu ida hosi Iowa Women's Health Study, iha Estadus Unidus, ne'ebé haree feto na'in 41.837 ho tinan entre 55 no 69, durante tinan lima nia laran, iha asosiasaun ida entre haan liis mutin ho diminuisaun iha risku ba kankru kólon nian. Iha tan vantajen sira seluk.

Investigasaun seluk ida ne'ebé dura ona tinan haat nia laran, halo ba ema na'in 152, hatudu katak haan liis mutin loron-loron ho kuantidade 900 mg hamenus ba iha 2,6% plaka ateroma sira ne'ebé aumenta iha 15,6% iha grupu plasebo nian. Liis mutin iha utilizasaun barak iha moras fuan sira nian, liuliu hipokolesterolemiante, anti-koagulante, anti-agregante plaketáriu, anti-aterosklerótiku, antioksidante no hipotensor.

Iha mós asaun ida anti-kankru tanba aumentu hosi atividade enzima sira ne'ebé envolve iha prosesu antioksidasaun nian (katalaze, SOD no glutatiaun), ba estimulasaun hosi sistema imunitáriu nian (leukosit no sitosina sira) no diminuisaun hosi formasaun sira ne'ebé kompostu hosi kankru ne'ebé forma durante dijestaun (nitrosamina sira). Asaun ne'e bele relasionadu ho poder bakterisida liis mutin nian relasionadu ho helicobacter pylori, baktéria ida ne'ebé prezente iha gen hosi kankru sira estómagu nian.

Propriedade sira seluk

Estimula sistema imunitáriu. Iha alerjia sira, liis mutin anti hanesan anti-istamíniku. Iha mós asaun antibiótiku ida, anti-viral ho anti-fúnjiku diretu.

Hanesan ai-horis ida ne'ebé seguru tebes, maibé la'ós ba pasiente sira ne'ebé halo IMAO (ai-moruk sira anti depresivu nian), tanba bele aumenta nia asaun.

Ai-moruk halo iha uma

- Halo kataplasma ida liis mutin nian

Iha moras artikular sira ne'ebé aumenta tanba malirin, deut liis mutin nehan ida, kahur ho ai-lia rahun kanuru ki'ik rua no tau iha zona sira ne'ebé moras durante minutu 30.

- Alivia nehan moras

Atu alivia sensasaun moras nian, loke liis mutin nehan ida no tau iha fatin moras nian.

Fonte: SAPO Lifestyle (Prevenir)

komentáriu sira