moris di'ak

OMS: Sei halo teste iha Kénia, Gana no Malaui ba vasina foun kontra malária nian

SAPO TL, 24 de abril de 2017

  • EPA@ Piyal Adhikary

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Vasina avansadu liu kontra malária, maibé iha efikásia limitadu, sei koko ho eskala boot iha Kénia, Gana no Malaui, fó sai hosi Organizasaun Mundial Saúde (OMS) iha loron-segunda ne'e.

Iha komunikadu ne'ebé fó sai antes Loron Mundial Malária nian, OMS adianta katak objetivu maka vasina pelumenus labarik na'in 360.000, entre tinan 2018 no 2020.

Ohin loron Áfrika, dook tebes, hanesan kontinente ne'ebé afetadu liu hosi malária, ho total 92% hosi mate sira ne'ebé rejistadu hamutuk 429.000 iha mundu tomak iha tinan 2015, tanba moras ne'ebé daet hosi susuk, refere hosi informasaun OMS nian.

Tuir Organizasaun Mundial Saúde nian, labarik sira ne'ebé seidauk iha tinan lima reprezenta liu parte balun hosi mate sira ne'e.

Dezenvolve hosi farmaséutiku britániku GlaxoSmithKline (GSK), hamutuk ho organizasaun la'ós governu nian Path Malaria, vasina ho naran Mosquirix (hanaran mós RTS,S) dezenvolve ona ba labarik sira entre semana neen no fulan 17.

"Vasina ne'e bele salva moris millaun resin iha Áfrika", hatete hosi diretora rejional hosi Organizasaun Mundial Saúde nian ba Áfrika Matshidiso Moeti, ba ajénsia France Presse. Projetu-pilotu sei avalia efikásia hosi vasina "iha kontextu hosi uzu rotina ida", nune'e mós ba obstákulu lojístiku sira, hatete hosi Matshidiso Moeti.

Tuir responsável, projetu-pilotu sei sensibiliza aman-inan sira ba siklu foun vasinasaun nian ne'ebé laiha ligasaun ba programa tradisional vasinasaun nian (DTP, sarampu, etc.).

Tuir estudu ne'ebé hala'o iha tinan barak nia laran, publika iha Abril 2015, "RTS,S" iha efikásia modestu ida no ki'ik iha prazu naruk, maibé agora daudaun vasina experimental ne'e iha rezultadu di'ak liu hasoru paludizmu, ne'ebé oho, iha média no loron-loron, labarik na'in 1.200 iha Áfrika subsarianu.

"Ho baze hosi rezultadu sira hosi estudu ne'ebé hala'o, CHMP (Komisaun hosi ai-moruk sira ba uzu humanu hosi EMA) konklui ona katak, maski susesu limitadu, relasaun benefísiu-risku hosi 'Mosquirix' hanesan favorável iha grupu rua hosi tinan sira ne'ebé estudadu", nia hatutan.

ho Lusa

komentáriu sira