moris di'ak

OMS hatete katak tabaku oho ema millaun hitu tinan-tinan no hakarak aumenta medida

SAPO TL, 30 de maiu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Konsumu tabaku, tinan-tinan, oho ema millaun hitu resin alerta hosi organizasaun mundial Saúde nian hodi apela ba proibisaun hosi nia promosaun no aumenta ba taxa sira no ba folin hosi produtu sira.

Númeru sira ne'ebé fó sai iha relatóriu ida ne'ebé fó sai hosi Organizasaun Mundial Saúde nian (OMS) - antes Loron Mundial Lahó Tabaku -, no ne'ebé iha avaliasaun impaktu tabaku iha saúde no iha ekonomia, maibé mós, no ba dala uluk, iha ambiente.

"Tabaku hanesan ameasa ba ema tomak", afirma hosi diretora-jeral OMS nian, Margaret Chan, iha komunikadu, hodi subliña katak reprezenta "agravamentu ida hosi pobreza", aleinde "lori família sira halo eskolla ne'ebé aat ba hahán no halo poluisaun ba ár".

Tinan-tinan, ema millaun hitu resin mate tanba tabaku, folin ida ne'ebé aas tebes duké ema millaun haat ne'ebé mate iha inísiu sékulu XXI, haktuir hosi númeru OMS nian.

Agora daudaun, tabaku hanesan kauza prinsipal ne'ebé bele evita hosi moras sira ne'ebé la transmiti no oho metade hosi ema sira ne'ebé fuma.

Tabajizmu afeta liuliu ema sira ne'ebé kiak liu no konstitui kauza importante ida hosi disparidade sira kona-ba saúde entre ema riku sira no ema kiak sira, tuir OMS, ne'ebé indika katak 80% hosi ema sira ne'ebé mate sei rejista iha nasaun sira ne'ebé iha rendimentu ki'ik sira ka rendimentu médiu sira to'o tinan 2030.

Tabajizmu reprezenta mós todan ekonómiku ida ba planeta: tinan-tinan, folin sira ba partikular sira no ba governu sira aumenta ba euro biliaun 1.250 iha despeza sira ho saúde no lakon produtividade nian, ne'ebé reprezenta 1,8% hosi Produtu Internu Bruto (PIB) mundial nian.

"Bainhira foti medida drástika sira hodi kontrola tabajizmu, governu sira bele salva futuru hosi sira nia nasaun, proteje konsumidor sira no la'ós konsumidor sira hasoru produtu mortal sira ne'e, hamosu reseita sira hodi selu saúde no serbisu sosial sira seluk no prezerva ambiente ne'ebé hetan estraga hosi tabaku", konsidera hosi diretora-jeral OMS nian.

Tuir relatóriu hosi organizasaun, tabaku mós prejudika ambiente, tanba restu sira ne'ebé husik hanesan restu sira ne'ebé maka espalla liu iha mundu no "iha produtu kímiku hamutuk 7.000 resin ne'ebé maka iha venenu ne'ebé maka hamosu venenu ba ambiente, inklui ajente kankru sira nian".

Hamutuk, besik 2/3 hosi sigaru biliaun 15 ne'ebé fa'an, loron-loron soe iha zona sira ne'ebé bele estraga ambiente.

Kultura tabaku nian mós hanesan responsável ba desflorestasaun, hatutan hosi organizasaun ne'e, refere katak sigaru hamutuk 300 ne'ebé maka konsumidu signifika katak lakon ai-hun ida.

Ba OMS, tabaku bele hamosu, durante sékulu XXI, ema mate hamutuk biliaun ida iha mundu.

Atu halakon mehi-aat ne'e, ajénsia espesializadu hosi ONU husu "medida maka'as sira", hanesan bandu marketing no publisidade ba sigaru sira no bandu fuma iha fatin públiku sira ne'ebé metin no fatin sira serbisu nian, aleinde aumentu ida hosi impostu sira no hosi folin produtu sira tabaku nian.

ho Lusa

komentáriu sira