moris di'ak

OMS: Dependénsia hosi tabaku bele impede atu hamenus kiak iha Xina

SAPO TL, 17 de abril de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Organizasaun Mundial Saúde nian (OMS) adverte ona katak dependénsia hosi tabaku iha Xina bele impede atu nasaun hetan nia objetivu hodi hamenus kiak ne'ebé marka ba tinan 2020, informa hosi diáriu South China Morning Post iha loron-sábadu.

Tuir relatóriu ida ne'ebé publika hosi organizasaun Programa ONU nian ba Dezenvolvimentu (UNDP) iha loron-sesta, "gastu hosi família kiak sira barak maka hodi sosa tabaku no la uza ba nesesidade báziku sira [tuir kondisaun] hanesan hahán, edukasaun ka kuidadu médiku nian".

Berhard Schwartländer, reprezentante OMS nian iha Xina, afirma ona iha aprezentasaun relatóriu nian katak "aumentu maka'as hosi kustu sira ne'ebé asosiadu ba tabaku iha Xina hanesan insustentável" no katak "folin anual kalkula iha 2014 aumenta ba yuan millaun 350 (besik euro millaun 48)".

OMS hatete ona katak Governu xinés hakarak halakon tomak ezisténsia hosi família kiak sira - sira ne'ebé nia rendimentu anual sira hanesan ki'ik liu yuan 2.300 (besik euro 315) - iha tinan 2020, ho objetivu hetan "sosiedade ida moderadamente prósperu".

Relatóriu hatudu ona katak traballador rural sira hanesan grupu ne'ebé fraku liu ba tabaku iha Xina: sira barak sai hanesan fumador bainhira migra ba sidade, maibé tanba ladún iha asesu ba saúde públiku sai fraku tanba labele selu tratamentu sira bainhira sira moras.

Tratamentu hosi moras sira ne'ebé relasionadu ho konsumu tabaku nian, hanesan kankru pulmaun, aumenta karga finanseiru, liuliu ba família sira ne'ebé seguru saúde públika la selu folin total hosi tratamentu.

Maski Governu xinés foti ona medida balun hodi hamenus konsumu tabaku nian, hanesan bandu fuma iha fatin públiku sira iha sidade sira hanesan Pekin ka Xangai, tuir OMS, iha 2014, 44% hosi sigaru sira ne'ebé konsumi iha nível mundial maka akontese iha Xina, hosi ema millaun 315, metade maka hosi mane adultu sira.

ho Lusa

komentáriu sira