moris di'ak

Oinsá proteje ita ninia oan sira iha rede sosiál sira?

Sapo TL, 30 de juñu de 2016

Rede sosiál sira barak maka permiti utilizadór hahú hosi tinan 13.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ba aman-inan balun laiha posibilidade rezisti ba publikasaun fotografia no informasaun sira kona-bá oan sira ne'ebé dalabarak seidauk iha tinan ida. Maibé, tenki hanoin, ne'e bele hamosu problema seguransa ba ita ninia oan no kria perturbasaun iha futuru.

Estudu ida ne'ebé hala'o iha Estadus Unidus hatudu rezultadu suprendente ida no iha tempu hanesan preokupante: 40% hosi inan sira ho tinan 18 to'o tinan 34 kria perfíl iha rede sosiál sira ba sira ninia oan ne'ebé seidauk iha tinan ida no 7% seluk halo hanesan bainhira oan sira iha tinan rua kompletu.

Aman-inan sira ne'e la'ós tau de'it oan sira ninia fotografia iha Internet, maibé kria konta pesoál oan sira nian iha rede sosiál sira. Problema boot maka buat ne'ebé maka mosu online hela nafatin iha rede, tanba labele kontrola sé maka kopia informasaun sira, testu ruma, vídeo ka foto ruma.

Tanba ne'e, antes publika foto ka notísia ruma kona-bá labarik sira (liuliu ho sira ninia naran) husu lai: karik iha futuru ha'u ninia oan sei gosta ka la'e?

Rede sosiál sira barak maka permiti utilizadór hahú hosi tinan 13.

Loos tanba labele halai hosi teknolojia no hosi Tempu dijitál hanesan loron ohin nian. Maibé tanba kontaktu sira ho mundu virtuál ita labele evita, aman-inan sira iha misaun atu prezerva labarik sira no hanorin sira atu haketak kondisaun públiku hosi kondisaun privadu no koñesi limiti sira hosi kondisaun rua ne'e.

Naturál tebes atu fahe ho belun no familiár sira kona-bá piada no dezenvolvimentu balun ita ninia oan nian, hanesan bainhira uza peniku dahuluk, bainhira han sopa no halo foer isin tomak, bainhira hasai fralda rasik, hariis... Maibé, situasaun sira ne'ebé kómiku bele sai hanesan motivu perturbasaun ita ninia oan nian iha futuru.

Oinsá bele proteje?

- Iha Facebook, kria grupu sira ne'ebé inklui de'it ema konfisaun nian no hanoin katak laiha posibilidade hodi edita publikasaun ba informasaun tomak ne'ebé nia fahe.

- Iha Twitter, blokeia tweet sira hodi nune'e bele tama deit seguidór sira ne'ebé hetan autorizasaun hodi haree.

- Iha Instagram, husik konta iha modo privadu. Nune'e, bainhira iha hakarak hatene sé maka iha asesu ba ita ninia konta.

komentáriu sira