moris di'ak

Oinsá maka halo inus labele metin

SAPO TL, 07 de novembru de 2016

Iha tempu malirin, ema hotu sempre hetan konstipasaun no hanesan baibain halo inus-metin ka dada-is ladi’ak. Tanba ne’e mai hatene reseita atu hodi alivia moras refere.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Inus ne’ebé metin hanesan buat ida ne’ebé halo ema lagosta, satan mudansa hosi temperatura, sei laajuda atu hadi’ak. Karik presija atu hadi’ak lalais inus ne’ebé metin, maka ami sei fó ajuda ida ba imi.


Tamun ho bee-manas – Bainhira tamun inus ne’ebé metin ho bee-manas, maka sei halo ita dada-is di’ak fali. Atu halo ida ne’e, presija de’it maka ita tenke nono tiha bee, bainhira bee refere nakali fakar ba iha basia ida, lori toalla ka hena mahar ruma falun tiha ita-ninia ulun, maka ita tamun.


Kompres – Kompres mos hanesan ho tamun. Atu halo ida ne’e presija halo xá ho ai-lia no uza hodi kompres. Despois maka taka ba iha oin, maibé tenke haree ba temperatura, atu nune’e labele halo ita-ninia oin manas liu fali.


– Bele hemu mos xá manas hodi alivia inus-metin. Atu di’ak liu maka xá ortelan no sálvia, tanba alénde halo inus lametin, xá ne’e mos halo ita-ninia isin hidratadu los.


Lis-mutin – Maski konsumu beibeik ona lis-mutin, maibé karik ita-ninia metin maka’as, maka tenke hemu xá forte ida ne’ebé halo ho lis-mutin durante loron ida.


Tua-sin – Tua-sin mos di’ak atu halo inus lametin. Atu uza tua-sin, presija maka hamonu tua-sin kanuru kiik ida ba bee no hemu. No ida ne’e, bele halo dada is di’ak fali.


SAPO TL ho SAPO Lifestyle

komentáriu sira