moris di'ak

Moras transmiti hosi insetu tinan-tinan oho ema millaun ida resin

SAPO TL, 30 de maiu de 2016

  • Foto: Oscar Rivera / EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Insetu sira transmiti moras ne'ebé oho tinan-tinan ema millaun ida resin iha mundu tomak no tinan-tinan rejista kazu patolojia sira hanesan malária, dengue ka febre-amarelu hamutuk millaun rihun resin.

Tuir Organizasaun Mundial Saúde (OMS) nian, moras sira ne'ebé transmiti hosi insetu vetór sira reprezenta 17% hosi moras infesiozu sira.

Malária ne'ebé transmiti hosi susuk Anopheles halo infesaun ba ema millaun 214 resin no halo ema na'in rihun 438 mate iha 2015.

Dengue, ne'ebé transmiti hosi susuk Aedes, hanesan moris ne'ebé transmiti hosi vetór ne'ebé aumenta maka'as ba dala 30 iha tinan 50 ikus ne'e.

Susuk sira ne'e hamosu moras sira seluk hanesan febre-amarelu, vírus Mota Nilo nian, Chikungunya ka Zika, ne'ebé hamosu ona kazu millaun resin iha Brazil no ne'ebé halo sientista sira liga kazu sira ho mikrosefalia konjénitu no ensefalite.

Transmisaun hosi ajente patojéniku - parazita iha kazu malária nian no vírus iha kazu hosi Dengue ka Zika - halo liuhosi insetu nia tata no hanesan susuk inan sira maka tata tanba sira presiza refeisaun raan nian hodi bele produs susuk-tolun.

Iha espésie hosi susuk sira hamutuk 3.500 resin no tanba globalizasaun - sira halo viajen hamutuk ho ema sira iha karreta sira, kamiaun sira, ró sira no aviaun sira - sira namkari iha mundu tomak.

Maibé susuk barak la la'o mesak. Bainhira sira bele reprodus besik no iha fatin han nian, sira sei la la'o dook.

Iha nia faze imatura, susuk sira hanesan animal akuátiku, mosu no dezenvolve iha bee-lihun hodi han alga mikroskópiu sira no serve mós hanesan hahán ba ikan sira.

Bainhira sai boot, sira hanesan hahán ba manu sira, niki sira no labadain sira.

Hahú hosi invensaun insetisida DDT nian iha 1939, ema sira hakarak halakon susuk sira, maibé susuk sira hatene rezisti ba venenu foun sira, halo sira sai forte liu.

ho Lusa

komentáriu sira