moris di'ak

Mate ona feto ne'ebé bokur liu iha mundu hafoin lakon 300 kilo

SAPO TL, 25 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Feto ejípsia ne'ebé konsidera ona hanesan feto ne'ebé bokur liu iha mundu, hafoin ultrapasa tiha 500 kilo, mate ona iha loron-segunda ne'e tanba vítima hosi komplikasaun fuan nian no insufisiénsia renal, fó sai hosi ospital ne'ebé nia hetan internamentu, iha Abu Dhabi.

Eman Ahmed Abd El Aty loron-loron hetan vijilánsia hosi ekipa ida ho médiku na'in 20 dezde nia to'o iha Emiradu Árabe Unidu iha fulan-Maiu, mai hosi Índia, refere hosi Burjeel Hospital, iha komunikadu.

Pasiente antes iha todan 500 kilo. Iha Índia, nia hetan diagnóstiku ho elefantíaze, moras ida ne'ebé hamosu bubu iha membru inferior sira no superior sira no iha parte sira seluk isin nian.

Iha de'it kama ida nia laran, Eman halo operasaun ida hodi hasai pezu. Ho operasaun no rejimi alimentar been ida, nia lakon ona 323 kilo.

Istória ne'ebé haleu ona mundu, hosi feto ida hosi Alexandria ne'ebé la sai hosi uma durante tinan 25 nia laran to'o tama iha ospital iha inísiu tinan ne'e. Nune'e maka sirurjiaun indianu ida maka oferese hodi halo operasaun ba nia.

Eman Ahmed Abd El Aty iha diabetesm hipertensaun ho insónia. Operasaun sira hodi hamenus pezu halo beibeik ona iha Índia, ne'ebé obezidade aumenta liuliu iha área urbanu sira.

Amerikana Pauline Potter agora daudaun sai hanesan feto ne'ebé maka bokur liu iha mundu. Iha fulan-Jullu nia todan maka 293 kilo.

Fonte: SAPO LIfestyle/AFP

komentáriu sira