moris di'ak

Marie Stopes Timor-Leste ho Timor Telecom renova parseria ba foin-sa’e sira iha Timor-Leste

SAPO TL, 06 de novembru de 2015

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Marie Stopes Timor-Leste ho Timor Telecom ohin, hasoru malu hikas hodi halo renovasaun ofisialmente ba sira ninia parseria kona-ba Lina Foinsa'e.

Renovasaun ba parseria ne’e hala’o ho asinatura Memorandu Entendimentu foun, hosi Diretora Marie Stopes iha Timor-Leste, Nicola Morgan ho Administradór Delegadu Timor Telecom, Manuel Joaquim Capitão Amaro, iha sede Timor Telecom, Timor Plaza.


Lina Foinsa’e fó ona apoia ne’ebé fásil no konfidensiál, iha nível nasionál, ba juventude timor-oan durante tina haat ikus ne’e, ka desde lansa serbisu refere iha 2011. Hahú hosi ne’ebá maka Lina Foinsa'e simu xamada liu 54.00, no 90% hosi ema sira ne’ebé liga, ho idade menus hosi tinan 25. Oras ne’e daudaun, foin sa’e hosi munisípiu hothotu iha Timor-Leste, konsege simu konsellu ho kualidade ne’ebé di’ak no konfidensiál, nomós informasaun kona-ba tópiku oioin, inklui adolesénsia ho puberdade, relasionamentu ne’ebé saudável, saúde sexuál nomós reprodutiva.

“Hanesan akontese iha mundu tomak, juventude Timor-Leste nian mos iha dúvida kona-ba puberdade, adolesénsia no relasaun, maibé dala barak sira tauk atu husu. Ami iha joven konselleiru feto no mane ne’ebé simu ona treinamentu ho kualidade di’ak no prontu atu fahe informasaun no fó resposta ba pergunta hirak ne’ebé hato’o hodi ajuda ema sira ne’ebé liga hodi foti desizaun ne’ebé di’ak no informada”, dehan Morgan.


“Ami sente orgullu tanba Timor Telecom bele halo parseria ho Maries Stopes no fó serbisu ne’ebé importante tebes ba joven sira iha Timor-Leste. Ami sei lahaluha kona-ba responsabilidade sosiál ne’ebé ita iha, liu hosi renovasaun protokolu ne’e, mai ita kontinua fó kontribuisaun ba dezenvolvimentu rai ne’e nian”, tenik Joaquim Manuel Capitão Amaro.
Alénde hotline, Marie Stopes Timor-Leste, hetan mos apoiu hosi Embaixada Austrália nian iha Dili, hodi fornese planeamentu familiár ba munisípiu 8 iha Timor-Leste, ne’ebé konta mos ho parseria hosi Ministériu Saúde.

Atu hatene liu tan informasaun bele liga ba hotline Lina Foinsa'e iha 800 1001, hahú segunda to’o sesta-feira, tuku 08:30-07:00.

@SAPO TL

komentáriu sira