moris di'ak

Manu-inan nia iis hadook susuk ne'ebé transmiti malária

SAPO TL, 27 de jullu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Sientista sira hosi Etiópia deskobre ona katak manu-inan nia iis hadook susuk ne'ebé transmiti malária, loke nune'e dalan foun sira hodi prevene moras endémiku ne'e, haktuir hosi estudu ida ne'ebé publika iha revista médiku Malaria Journal.

Ekipa ne'ebé diriji hosi Habte Tekie, profesór hosi entomolojia iha Universidade Adis Abeba, hatete katak durante nia serbisu sira maka susuk Anopheles arabiensis, ne'ebé lori malária, tata ema moris no karau sira maibé hadook aan hosi manu-inan sira ne'ebé susuk ladún tata.

Esplikasaun ne'e hanesan libertasaun kímiku sira "ne'ebé halo susuk malária nian hadook aan hosi manu-inan nia iis", afirma hosi Tekie ne'ebé iha estudu hatudu katak "kompozisaun (kímiku) hosi manu-inan iha potensial maka'as hodi rekuza".

Hipóteze ne'ebé avansa hosi sientista sira maka susuk konsidera manu-inan hanesan predador ida ne'ebé bele han susuk.

Serbisu sira ne'ebé hala'o iha aldeia tolu iha rejiaun Oromo, iha oeste Etiópia nian, halo ho baze hosi tara jaula sira ho manu-inan iha uma balun. Iha dadeer, armadilla sira ba susuk mamuk, la hanesan ho uma sira ne'ebé laiha manu-inan sira.

Hodi evita atu labele tara manu-inan sira iha kama nia leten, sientista etíope sira repete esperiénsia ho frasku sira ne'ebé iha iis balun hosi manu-inan no observa nia rezultadu.

Ekipa etíope serbisu hamutuk ho universidade sueku ida hodi dezenvolve no halo teste ba esénsia sintétiku di'ak ida hodi halo repelente ida ne'ebé di'ak.

Malária afeta ema millaun 200 iha mundu tomak no tinan-tinan halo ema na'in 755.000 mate, liuliu iha Áfrika, haktuir hosi estatístika sira hosi Organizasaun Mundial Saúde nian (OMS).

Fonte: SAPO Lifestyle/AFP

komentáriu sira