moris di'ak

Loke ona iha Londres maternidade dahuluk ba feto sira ne'ebé hetan violasaun

SAPO TL, 01 de agostu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hanesan "maternidade revolusionáriu ida" ne'ebé ajuda vítima sira hosi violasaun hodi konklui gravidez no halakon trauma.

Unidade, subordinadu ba sentru médiku Royal London Hospital, hanesan úniku iha mundu, esplika ona hosi organizasaun "My Body Back" ne'ebé tulun feto vítima sira hosi violénsia seksuál.

Serbisu foun ne'e lansa hafoin tinan ida ospitál hahú oferese kuidadu espesial ba feto sira ne'ebé hetan agresaun, tanba balun hasoru fali esperiénsia hosi atake iha partu ka durante ezame médiku sira.

Pavan Amara, fundadora hosi "My Body Back", esplika ona ba ajénsia notísia France Presse katak feto balun sira isin-rua hanesan rekordasaun ida ne'ebé sira hetan durante violasaun.

"Hanesan buat ida ne'ebé akontese ba feto barak. Baibain, tenki simu tratamentu hodi bele halakon", nia hatete.

Unidade foun sei loke ba pasiente britániku sira, maibé Amara hatete katak hanoin hela hodi disponibiliza serbisu iha Internet, liuhosi Skype, tanba sira simu pedidu barak hosi mundu tomak. "Dalaruma, sira husu de'it buat simples ida: Bele halo buat ruma mai ha'u?", nia hatete.

Iha maternidade foun iha funsionáriu na'in 20 ne'ebé serbisu tempu tomak, oferese serbisu sira hanesan aula sira preparasaun nian.

ho AFP

komentáriu sira