moris di'ak

Kuidadu ne’ebé halo bebé sira foin moris toba barak no toba di’ak

SAPO TL, 29 de novembru de 2016

Kria padraun toba nian ba bebé sira, importante duni. Enfermeira espesialista ba saúde infantil no pediátrika Ana Isabel Ventura fó sai estratéjia hirak ne’ebé ajuda halo atu labarik sira, toba regulamente iha faze ne’e.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Iha oras ne’ebé bebé sira atu toba, tenke kria ambiente ida ne’ebé halo labarik sira toba di’ak. “Durante loron adhuluk, bebé sira sempre hader, tanba ladauk iha padraun ka oráriu fixu ba sira atu toba”, tuir esplikasaun hosi Ana Isabel Ventura, enfermeira espesialista basaúde infantil no pediátrika, publikamente durante painel formativu ne’ebé nia maka prezidi konferénsia kona-ba kuidadu pediátriku, hala’o hosi Cuidar +.

Importante maka kria ambiente di’ak, atu bebé sir abele toba tuir duni or’ariu. Buat hirak tuir mai maka sai hanesan kuidadu hosi alkansa ida ne’e:

- Iha uma, halo ahi lakan hanesan baibain, atu bebé hatene katak ne’e loron hela ka seidauk kalan.

- Ambiente iha tempu kalan tenke hakmatek no lalika halo ahi lakan naroman liu. Bainhira imi-nia bebé hader durante kalan, lalika loke ahi no habosok nia hanesan baibain, atu nune’e bebé       bele sente katak rai sei kalan, no tenke kontinua toba.

- Importante maka bebé sira toba iha sira-ninia bersu. Labele halo sira toba fali iha kama-leten, tanba bele halo sira monu no dada-is ladi’ak. “Bele halo, maibé la’os beibeik no tenke haree             tuituir” alerta enfermeira.

Regra 5 ne’ebé halo bebé sira toba di’ak


1. Hatoba bebé haklena

Fó toba sorin ladun seguru, tanba bebé bele fasil atu fila-aan no bainhira bebé toba takarabat, bele halo mate derepente.

2. Muda beibeik bebé nia pozisaun durante sira toba

Ninia objetivu atu halo bebé latoba at, no ikus mai bele fasil atu koriji. «Koko tau sumasu rua iha bebé ninia sorin-sorin atu bebé lafila-aan ba-mai no halo nia toba takarabat», tuir rekomendasaun hosi enfermeira Ana Isabel Ventura.

3. Labele halo bebé sira toba ho fralda hena

Maski iha ema balun ne’ebé hakarak, maibé bele fralda hena ne’e bele taka fali bebé nia oin nomós bele halo sira dada-is ladi’ak.

4. Fó hatais roupa malirin ba bebé sira
Labele fó hatais roupa ne’ebé halo bebé sira sente manas.

5. Labele fuma bainhira hamutuk ho bebé
Iha prova ne’ebé hatudu katak, tabaku ninia suar bele hamate bebé sira derepente de’it.

Evita atu lauza supeta?

Estudu sientífika hothotu, haktuir ona katak uza xuxa/supeta halo bebé sira dada-is ho di’ak, hanesan sira susu hela inan-ninia susun.

Espesialista balun defende katak supeta, hanesan element importante ba organizasaun neurosensoriál bebé nian.


Textu: Sofia Cardoso ho Ana Isabel Ventura (enfermeira espesialista ba saúde infantil no pediátrika)

komentáriu sira