moris di'ak

Konta movimentu bebé nian iha inan-ninia kabun bele salva ema ida ninia moris

SAPO TL, 09 de setembru de 2016

Movimentu bebé nian iha inan-ninia kabun hatudu nível hosi ninia bem-estar, no bainhira inan sira komprende sira-ninia bebé ho di’ak, maka sira prepara ba sinál alerta nian

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Movimentu KicksCount.org hanesan plataforma online ida ne’ebé kria iha Rienu Unidu, hodi bolu atensaun ba inan isin-rua sira kona-ba importánsia atu halo kontajen ba movimentu bebé nian iha kabun-laran. Tanba ho nune’e bele salva bebé ninia moris.


Hatene katak tenke tau atensaun ba ida ne’e no oinsá maka atu konta movimentu bebé nian, hanesan buat importante ida iha faze ikus hosi isin-rua:


- Inan isin-rua sira tenke fó atensaun ba movimentu bebé hosi semana 16 to’o 24, tanba iha tempu ne’e, inan sira hahú sente bebé-ninia “tebe” iha kabun-laran.


- Halo rejistu ba atividade ne’ebé bebé sira halo iha inan-ninia kabun-laran: bele durante loron ka kalan, hafoin han, no bainhira inan la’o ka toba.


- Fó netik tempu uitoan, durante loron ida, hodi foka ba iha movimentu bebé nian.


- Bainhira nota kona-ba alterasaun hosi movimentu bebé, tenke ba ko’alia ho médiku. Labele han ai-han hirak ne’ebé estimula atividade bebé nian. Tanba ne’e bele hamosu ideia lalos kona-ba bebé ninia movimentu.


Loron ida ita lakonsege konta movimentu bebé nian ho lolos. Tanba labarik idaidak ho ninia padraun. Ho nune’e maka inan sira tenke hatene klean kona-ba padraun refere.

Baibain hateten katak, inan sira bele sente movimentu bebé nian iha kada períudu tempu, hamutuk 10. Maibé rekomendasaun bele lalos, tanba bebé idaidak lahanesan, no movimentu ne’ebé akontese bele hosi 4 to’o 100.

Hahú semana 16, inan isin-rua sira bele hahú sente movimentu bebé nian, dala barak to’o semana 32. Depois estaliza to’o loron partu.

SAPO TL ho SAPO Lifestyle

komentáriu sira