moris di'ak

Katuas-ferik xinés sira moris naruk maibé ladún saudável

SAPO TL, 10 de marsu de 2017

  • Foto@ Rolex Dela Pena /EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Iha Xina númeru hosi ema sira ne'ebé iha tinan 80 resin aumenta nafatin, maibé nia saúde fíziku no mental hetan estraga beibeik, haktuir hosi estudu ida ne'ebé publika iha loron-sesta ne'e hosi revista médiku The Lancet.

Peskiza kompara informasaun ne'ebé rekolla entre tinan 1998 no 2008 ho ema entrevistadu kuazu na'in 20.000, ne'ebé iha tinan entre 80 no 105.

Entre ema sira ho tinan 80 no tinan 90, taxa mortalidade nian tuun kuaze 1% iha dékada hirak ne'ebá.

Entre ema katuas-ferik sira ho tinan liu atus resin iha diminuisaun 3% ba mate nian.

Persentajen hosi populasaun ho tinan aas liu tinan 80 maka aumenta liu iha nasaun ne'e. Iha tempu hanesan, sira nia funsaun fíziku no kognitivu sira hetan estraga beibeik.

Tarefa simples sira, hanesan foti kadeira ida ka hili livru ida iha rai, sai susar atu halo, bainhira rezultadu sira iha teste memória sira nian hatudu rezultadu aat.

"Ne'e iha implikasaun loloos ba polítika sira ne'ebé adopta hosi sistema sira saúde no seguransa sosial, la'ós de'it iha Xina maibé mós iha mundu tomak", konklui hosi autor sira estudu nian.

"Programa barak ne'ebé hetan subsídiu hosi Estadu, ka privadu sira, no empreza sira, hanesan importante hodi fó serbisu ne'ebé halo satisfeitu ba nesesidade sira populasaun katuas-ferik sira ne'ebé aumenta maka'as", liuliu sira ne'ebé iha liu tinan 80, indika hosi publikasaun.

Entrevistadu sira iha tinan 2008 hatudu difikuldade ki'ik hodi halo atividade loron-loron - hanesan han, hatais ka hariis - duké sira ne'ebé maka partisipa iha tinan 1998.

Grupu hosi sientista sira, lidera hosi Yi Zeng, profesór hosi Eskola Nasional ba Dezenvolvimentu hosi Universidade Pekin nian, justifika ona fenómenu ne'e ho komodidade boot no instrumentu sira ne'ebé di'ak ne'ebé uza iha loron ohin.

Rezultadu sira hatudu sukat forsa entre abordajen rua ne'ebé la hanesan kona-ba oinsá hasoru envellesimentu hosi populasaun nian.

Ida maka fó valor ba tinan naruk, no ida seluk sujere katak, maski iha moris ne'ebé naruk, ema katuas-ferik sira moris ho problema saúde ne'ebé todan.

Estudu foun hatete katak governu sira tenki adapta senáriu foun.

"Rezultadu sira fó avizu loloos ba sosiedade sira ho populasaun katuas sira", Yi hatete iha komunikadu.

"Maski tempu moris nian aumenta, fatór seluk saúde nian hahú di'ak no aat, lori ba variedade ida hosi nesesidade sira hosi asisténsia sosial no saúde nian entre populasaun sira ne'ebé katuas-ferik", nia hatutan.

ho Lusa

komentáriu sira