moris di'ak

Japaun lansa prezervativu ho Sailor Moon hodi kombate VIH/Sida

SAPO TL, 22 de novembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ministériu Saúde, Traballu no Moris Di'ak Japaun nian lansa ona kampaña orijinal ida ne'ebé nia objetivu maka sensibiliza populasaun ne'ebé joven liu ba perigu sira hosi moras sira ne'ebé bele transmiti hosi dalan seksual (DSTs).

Governu nipóniku haruka halo poster rihun lima resin no surat-tahan hamutuk rihun 156 ne'ebé sei taka no fahe iha dalan sira iha nasaun ne'e no ne'ebé Sailor Moon mosu hanesan destake maka'as.

Objetivu maka alerta ema adolesente sira no joven sira ba importánsia hosi kontrasepsi nian.

Kampaña konta mós ho distribuisaun hosi prezervativu hamutuk rihun 60 resin ne'ebé disponibiliza iha embalajen ki'ik ida kartaun nian ho forma fuan, forma hanesan hosi símbolu hosi Sailor Moon nian, personajen ida hosi manga no anime ne'ebé harii hosi Naoko Takeuchi.

Estatístika públiku japunés sira hatudu katak infesaun foun sira hosi vírus VIH/Sida nian no sífilis barak liu akontese iha mane no feto joven sira.

Kampaña, prepara ba Loron Mundial ba Luta hasoru Sida, selebra iha loron 01 Dezembru, iha fraze tuirmai ne'e: "Halo teste ida ka ha'u sei kastigu ó", haktuir hosi komunikadu ida governu nian.

Personajen Sailor Moon adapta ba televizaun iha tinan 1990 no transmiti iha televizaun sira iha mundu tomak durante dékada ida resin.

Fonte: SAPO Lifestyle

komentáriu sira