moris di'ak

Irake bandu hemun alkóliku sira

SAPO TL, 24 de outubru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Parlamentu Irake nian aprova ona iha loron-domingu (23/10) lei ida ne'ebé bandu importasaun, fabrikasaun no fa'an hemun alkóliku ruma iha nasaun. Lei kalkula multa todan sira ba ema ruma ne'ebé viola norma ne'e.

Medida ne'e afeta liuliu ba minoria kristaun sira ne'ebé koresponde ba 5% hosi populasaun no parte ida hosi musulmanu sira ne'ebé liberal tebes.

Sé maka la respeita lei tenki selu multa ho folin entre dinar irakianu millaun 10 (besik euro 7.770 resin) no dinar irakianu millaun 25 (euro 19.430).

Votasaun akontese iha momentu ida ne'ebé iha tensaun maka'as iha nasaun, ne'ebé akontese hamutuk ho ofensivu militar ne'ebé lansa hosi Ezérsitu hodi liberta sidade Mossul, ne'ebé agora daudaun iha kontrolu hosi grupu Estadu Islámiku (EI).

Iha fulan-Agostu 2013, ema sivil na'in rua no polísia na'in tolu mate ona iha atentadu estremista sira hasoru loja sira ne'ebé fa'an hemun alkóliku sira iha Bagdad.

Iha nasaun sira seluk hanesan Bangladexe, Kuwait, Iémen ho Iraun iha mós lei sira ne'ebé bandu halo, fa'an no konsumu álkol nian.

Iha Emiradu Árabe Unidu, hemun alkóliku sira permiti iha fatin turístiku balun, maibé nia konsumu iha fatin públiku hetan bandu no kastigu hosi lei.

Fonte: SAPO Lifestyle

komentáriu sira