moris di'ak

Investigasaun hatudu katak konsumu kafé proteje sélula sira retina nian

SAPO TL, 12 de abril de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Konsumu kafeína, iha doze hanesan ho kafé rua ka tolu durante loron ida, proteje sélula sira retina nian, konklui hosi estudu ida ne'ebé halo hosi investigador sira hosi universidade Coimbra ho Bona (Alemaña).

Investigasaun loke dalan ba dezenvolvimentu hosi "abordajen terapéutika foun sira ba tratamentu hosi moras vizaun nian ne'ebé iha asosiasaun ho epizódiu iskémiku sira, hanesan retinopatia diabétiku no glaukoma, kauza prinsipal rua hosi matan-delek nian iha nível mundial", afirma hosi Universidade Coimbra (UC) iha nota ne'ebé haruka iha loron-segunda ne'e ba ajénsia Lusa.

Iskemia retina nian hanesan komplikasaun ida ne'ebé asosiadu ho moras ne'ebé hahú estrafa retina, halo ema labele haree no matan sai delek, refere hosi UC, hodi indika katak "moras ne'e akontese tanba interupsaun hosi vazu raan nian, barak liu hosi artéria sentral retina nian, hosi ramu ida artéria retina nian ka tanba interupsaun venoza".

Estudu, lidera hosi Ana Raquel Santiago, investigadora iha laboratóriu Retinal Dysfunction and Neuroinflammation hosi Fakuldade Medisina UC nian, publika ona iha Cell Death and Disease, no estudu hala'o ona iha modelu animal sira (laho sira) no dezenvolve iha faze rua.

UC relata katak, faze dahuluk maka "avalia efeitu sira hosi kafeína iha sélula sira mikroglia nian, sélula imunitáriu sira ne'ebé funsiona hanesan sélula boot sistema imunitáriu retina nian, maibé iha situasaun iskemia hasai substánsia aat sira ne'ebé kontribui ba prosesu ne'ebé ladi'ak".

Laho sira hahú konsumi kafeína durante semana rua la para, no hafoin ne'e tama iha períudu tranzitóriu ida hosi iskemia okular no, hafoin rekuperasaun, hemu fila fali kafeína.

Análize sira hatudu katak "kafeína kontrola reatividade hosi sélula sira mikroglia nian hodi fó protesaun ba retina, bainhira kompara ho animal sira ne'ebé hemu bee (animal sira kontrolu)", hatutan hosi UC.

"Iha oras 24 dahuluk haree ativasaun ida maka'as hosi sélula sira mikroglia nian, indika katak, ho dalan ruma, kafeína promove hela ambiente pró-inflamatóriu ida hodi hafoin ne'e garanti protesaun no trava aumentu hosi moras ne'e", refere hosi kordenadora estudu nian ne'ebé haktuir hosi UC.

Hasoru rezultadu sira ne'e, no hatene katak kafeína hanesan antagonista ida hosi reseptor sira adenozina nian (envolve iha komunikasaun hosi sistema nervozu sentral), faze daruak hosi estudu sentradu iha teste hosi potensial terapéutiku hosi ai-moruk ida, istradefilina, iha kontrolu hosi ambiente inflamatóriu hafoin epizódiu iskémiku ida retina nian.

Hanesan ai-moruk ida ne'ebé bele blokeia asaun hosi reseptor A2A hosi adenozina no hetan avaliasaun iha moras sira seluk neurodejenerativu nian. "Iha grupu esperiénsia ne'e, haree katak administrasaun hosi istradefilina hamenus reatividade hosi sélula sira mikroglia, hamenus ambiente pró-inflamatóriu no estraga ne'ebé halo hosi iskemia tranziente", hakerek hosi Ana Raquel Santiago.

Halo ona teste dahuluk ba ai-moruk ne'e iha retina, no administradu ona hafoin insultu iskémiku iha retina.

Rezultadu sira hosi investigasaun loke dalan ba "identifikasaun hosi ai-moruk foun sira ne'ebé bele trata ka hamenus mudansa vizual sira ne'ebé iha ligasaun ba moras sira ne'e", hatutan hosi investigadora.

"Reseptor sira A2A hosi adenozina bele sai hanesan objetivu interesante ida hodi trava matan-delek ne'ebé mosu tanba moras sira hanesan glaukoma ka retinopatia diabétiku, kauza prinsipal rua hosi matan-delek iha nível mundial", hatutan mós hosi Ana Raquel Santiago.

Agora daudaun, "laiha kura ba moras sira ne'e no tratamentu sira ne'ebé iha laiha efeitu ne'ebé di'ak, nune'e hanesan importante hetan estratéjia terapéutika foun sira", nia hakotu.

Dezenvolve durante tinan tolu nia laran, estudu ne'e selu hosi Fundasaun ba Siénsia ho Teknolojia (FCT) no hosi empreza Manuel Rui Azinhais Nabeiro.

Fonte: Lusa

komentáriu sira