moris di'ak

Inan sira maka determina liu labarik nia matenek, haktuir estudu

SAPO TL, 12 de outubru de 2016

  • Foto@ António Casais

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Estudu foun ida hatudu katak jenétika hosi inan determina nível matenek labarik nian iha futuru, bainhira gen sira hosi aman nian ladún iha influénsia.

Iha nível Biolojia nian, ita hatene katak feto sira iha liu kromosom X (iha feto sira kromosom seksual sira mak aXX no iha mane sira maka XY) no tanba ne'e duni, labarik sira iha tendénsia hetan material jenétiku X hosi inan sira. No matenek iha relasaun ho kromosom X.

Estudu ida hosi Universidade Cambridge haklean liu kestaun ne'e, analiza gen sira ne'ebé akumula iha kakutak. Bainhira embriaun ida dezenvolve, sélula sira ho gen aman-inan sira nian fiksa iha sistema límbiku kakutak nian, responsável ba sobrevivénsia no envolve iha asaun sira hanesan domin, seksu no agresividade.

Iha kórtex kakutak nian, ne'ebé hanesan responsável ba funsaun kognitivu sira avansadu liu hanesan matenek, linguajen no planeamentu, investigadór sira hetan de'it sélula ho inan sira nia gen.

Estudu hala'o ona iha laho sira. Maibé investigadór sira hosi Medical Research Council Social and Public Health Sciences Unit, iha Glasgow, iha Eskósia, desidi halo ona abordajen ida iha ema no analiza ona informasaun hosi sidadaun amerikanu hamutuk 12.686, ho tinan entre 14 to'o 22 ne'ebé sira entrevista ba Inkéritu Nasional hosi Juventude nian. Maski hanoin ba fatór oioin, hanesan nível sósiu-ekonómiku, habilitasaun literáriu sira no rasa, IQ hosi inan nian maka kalkula nível hosi labarik nia matenek.

Iha média, IQ hosi labarik ida muda iha pontu 15 relasionadu ho inan nian.

Maibé, tenki realsa katak iha de'it entre 40% to'o 60% hosi matenek sira hanesan hereditáriu. Estimulasaun, meiu ambiente no personalidade kontribui maka'as ba labarik ida nia susesu, no iha ne'e aman-inan sira hotu bele kontribui.

Fonte: SAPO Lifestyle

komentáriu sira