moris di'ak

Imi-nia oan lori motór? Hatene oinsá atu halo nia labele hetan asidente

SAPO TL, 04 de outubru de 2016

Motór dalabarak sai hanesan transporte ne’ebé labarik sira uza ka sa’e hodi bá eskola, no sira mos depende ba motór ka família ida uza hodi tula-malu durante findesemana. Imi hatene oinsá atu prevene asidente

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Karik baibain lori imi-nia oan bá eskola no depende ba motór, iha atitude no komportamentu ne’ebé bele evita asidente.


- Roupa
Labarik sira ne’ebé lori motór tenke hatais roupa hirak ne’ebé bele fó protesaun ba sira, bainhira sira monu. Di’ak liu maka ténis, kalsa levis no jaket-kulit.


- Idade
Labarik hosi tinan 7 mai karik, labele lori motór. Importante maka labarik sira, tenke sente di’ak bainhira tur iha motór leten, nomós sente di’ak bainhira ain tula iha motór ninia pedál.


- Apoiu
Labarik sira bainhira halo viajen ho motór, tenke apoia sira-ninia isin iha parte kondutór/volante, no halo atu sira-ninia parte kabas iha ekilibriu. Laseguru bainhira halo viajen ho motór tula fali liman, ba iha parte tur-fatin, liu-liu bainhira iha kurva.


- Kapasete
Di’ak liu maka uza kapasete hirak ne’ebé taka oin-metin (liu-liu ida ne’ebé bele fó mos protesaun ba parte maxilár) no natoon ho labarik ninia ulun-fatuk.


- Seguransa
Tula de’it labarik ida. Tanba alénde fó perigu ba ema barak ninia moris, motór hanesan transporte ida ne’ebé serve ba ema ida ka rua de’it.

Labele hala’i maka’as no labele ha manobra hirak ne’ebé fó perigu ba moris, hanesan hala’i tama sai iha kareta leet.

Ikus liu, maski halo viajen ho distánsia ladun dook, kontinua respeita nafatin regra seguransa hirak ne’e.

SAPO TL ho artigu hosi Susana Krauss

komentáriu sira