moris di'ak

Hambúrguer ida de'it bele afeta metabolizmu no aumenta risku diabetes nian

SAPO TL, 24 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Konkluzaun ne'e mai hosi estudu ida hosi Sentru Diabetes Alemaña nian ne'ebé hatudu katak han hahán ne'ebé nakonu ho mina bele aumenta risku hodi hetan problema sira iha aten, fuan no pezu.

Hambúrguer ida de'it ho keju, kecap no fehuk sona bele muda metabolizmu hosi ema nia isin no aumenta risku hodi hetan diabetes tipo 2. Konkluzaun ho alarme maka'as hanesan estudu ida hosi Sentru Diabetes sira iha Düsseldorf, Alemaña.

Iha estudu, mane isin-lotuk saudável na'in 14 ho tinan entre 20-40 simu hemun ida ho óleu palma nian ho sabor vanilla ka bee.

Óleu palma iha kuantidade ida hanesan ho bokur ne'ebé hanesan ho fatia ualu pizza nian ho salpikaun ka cheeseburger ida ho 110 gr ne'ebé serve ho fehuk sona.

Teste sira hatudu ona katak hemun ho óleu palma nian hamosu kedas aumentu iha akumulasaun hosi bokur iha ema nia isin no sensibilidade ki'ik ba insulina, hormona natural ida ne'ebé regula masin-midar iha raan.

Hemun mós aumenta nível trigliserídeu sira - bokur ida ne'ebé iha ligasaun ho insidénsia boot hosi moras koronáriu -, muda funsaun hepátika no afeta atividade hosi gen sira ne'ebé asosiadu ba moras hepátika bokur nian.

Aumenta mós expresaun hosi hormona glukagon iha organizmu, substánsia ida ne'ebé produz iha pánkreas no responsável hodi la husik glikoze iha raan tuun ba nível aat sira.

Iha estudu ne'e, tuir prátika, hatete katak óleu palma hamenus sensibilidade ba insulina ba 25% iha isin tomak, ba 15% iha aten no 34% iha parte sira bokur nian, aumenta risku hetan diabetes.

Hetan ona efeitu sira ne'ebé hanesan iha teste sira ne'ebé halo iha animal sira iha laboratóriu, hatutan hosi investigasaun ne'ebé publika iha Journal of Clinical Investigation.

Fonte: SAPO Lifestyle

komentáriu sira