moris di'ak

Hahán sanulu ne'ebé hamosu kankru

SAPO TL, 06 de juñu de 2017

  • Pipocas de micro-ondas / Batar-funan halo iha mikro-ondas

  • Alimentos fumados/Hahán sira uza ahi-suar

  • Alimentos queimados / Hahán mutuk

  • Comida com excesso de sal/Hahán ne'ebé iha masin barak

  • Salmão / Ikan Salmaun

  • Comida enlatada / Hahán ne'ebé iha lata

  • Refrigerantes /Hemun sira iha lata

  • Comida com excesso de açúcar/Hahán sira ne'ebé iha masin-midar barak

  • Carne processada / Na'an prosesadu

  • Carnes vermelhas / Na'an mean

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Siénsia hatudu ona katak han beibeik hahán sira tuirmai ne'e aumenta risku hodi hetan kankru. Organizasaun Mundiál Saúde akonsella hodi evita. Hadook hahán sira ne'e hosi ita nia dieta.

Batar-funan ne'ebé halo iha mikro-ondas
Batar-funan sira ne'ebé halo iha mikro-ondas iha substánsia perigozu sira iha pakote nia laran, hanesan ásidu perfluorooktanóiku. Substánsia ne'e aumenta maka'as risku hodi hetan tumor rim nian, bexiga, aten, pánkreas no testíkulu sira, haktuir hosi Ajénsia Protesaun Ambientál nian. Nune'e mós iha konservante oioin hanesan propilgalatu ne'ebé mai hosi ásidu gáliku ne'ebé aumenta posibilidade ba tumor iha estómagu.

Hahán sira ne'ebé uza ahi-suar
Adisaun suar ba na'an prejudisiál tebes ba saúde, garanti hosi Ajénsia Internasionál ba Investigasaun Kankru nian. Suar, kura no adisaun konservante kímiku sira hamosu kompostu karsinojéniku sira ne'ebé perigozu tebes ba ema moris.

Hahán mutuk sira
Hahán sira ne'ebé mutuk ka tunu hanesan prejudisiál tebes. Iha tinan 2014, estudu ida hosi Autoridade Europeiu ba seguransa Hahán nian fó sai katak hahán tostadu sira bele hamosu glisidamida iha organizmu nune'e bele hamosi sélula neoplásika sira ne'ebé bele hamosu tumor malignu sira.

Hahán ho masin barak
Konsumu masin nian no hahán konservadu sira ho masin iha fatór aas ba kankru balun, liuliu kankru estómagu. Tenki evita hahán sira ho masin barak ka hahán sira ne'ebé rezerva ho masin, nune'e mós labele uza masin hodi bele han de'it masin loron-loron ki'ik liu 5 gr ka sódiu 2,4 gr.

Ikan Salmaun
Merkúriu iha forma oioin iha natureza, maibé ikan hanesan dalan ne'ebé ema moris bele hetan metilmerkúriu, ne'ebé iha prezensa maka'as iha ikan salmaun, robalu, tubaraun, kavala, ikan-espada no ikan balun ne'ebé kontaminadu. Atum ho douradu iha kuantidade ki'ik merkúriu nian, haktuir hosi espesialista sira hosi Universidade Johns Hopkins iha estudu ida ne'ebé publika iha The New England Journal of Medicine. Hatudu ona tuir siénsia katak metilmerkúriu bele hamosu mutasaun jenétiku sira ne'ebé aumenta risku hetan kankru.

Hahán iha lata
Estudu oioin hatete katak iha prezensa hosi Bisfenol-A (BPA) iha lata sira ne'ebé uza hosi konserva hahán. Maibé laiha opiniaun úniku ida relasionadu ho posibilidade BPA iha lata sira bele kontamina hahán sira iha lata laran. BPA bele hamosu kankru, haktuir Ajénsia Internasionál ba Investigasaun Kankru nian. Estudu ida tinan 2015 nian hosi Environmental Working Group (EWG) detekta fali substánsia ne'e iha embalajen sanulu resin ne'ebé fa'an iha Estadus Unidus.

Hemun lata sira
Hemun sira ne'e baibain iha densidade enerjétiku ki'ik duké hahán sólidu sira tanba iha bee barak. Maibé, hemun sira ho masin-midar, maski fó enerjia, la halakon hamrook no la hamenus vontade hodi han, nune'e hamosu aumentu pezu.

Hahán ne'ebé nakonu ho masin-midar
Maski koñesidu hanesan responsável prinsipál ba moras sira relasionadu ho estilu moris nian hanesan Diabetes no bokur, masin-midar klasifikadu hanesan hahán ida ne'ebé hamosu tumór sira ne'ebé bele halo kankru. Iha fatin seluk, hahán barak iha aspartame, adosante kímiku ida ne'ebé notifikadu mós hosi Ajénsia Internasionál ba Investigasaun Kankru nian hanesan hahán karsinojéniku.

Na'an prosesadu sira
Na'an prosesadu sira - hanesan bacon, salchixa, hamburguer no prezuntu - hamosu kankru no perigozu tebes hanesan tabaku, haktuir hosi relatóriu hosi Ajénsia Internasionál ba Investigasaun Kankru nian hosi Organizasaun Mundiál Saúde nian ne'ebé publika ona iha Outubru 2015. Na'an prosesadu hanesan na'an ne'ebé muda ona hodi aumenta nia prazu validade, kór no sabor, liuhosi prosesu suar, kura, adisaun masin ka konservante sira.

Na'an mean sira
Dokumentu hanesan adianta katak na'an mean sira "karik hanesan karsinojéniku", potensiadór karninoma sira, maski evidénsia sientífiku kona-bá faktu ne'e hanesan limitadu. Tanba ne'e, Organizasaun Mundial Saúde nian sujere, liuliu, atu han hahán sira ne'e ho forma moderadu, fó prioridade liu ba na'an mutin hanesan na'an manu ka na'an peru.

Fonte: Peso & Nutrição

komentáriu sira