moris di'ak

Hahán ba kosok-oan sira iha masin-midar maka'as

SAPO TL, 15 de jullu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Organizasaun Mundial Saúde nian detekta ona sidade europeia haat ne'ebé, pelumenus, hahán infantil ida entre hahán infantil tolu iha nível masin-midar ne'ebé aas tebes no fa'an la loos hanesan adekuadu ba kosok-oan sira ne'ebé seidauk to'o fulan neen.

Iha estudu sira, Organizasaun Mundial Saúde (OMS) nian rekolla informasaun sira kona-ba hahán ka hemun sira ne'ebé fa'an ba kosok-oan sira ho labarik sira hamutuk 7.995 hosi loja hamutuk 561 iha sidade europeia haat hosi Rejiaun Europeia hosi organizasaun - Viena (Áustria), Sofia (Bulgária), Budapeste (Hungria) ho Haifa (Israel).

Iha sidade haat ne'e, entre 28% to'o 60% hosi produtu sira ne'e fa'an hanesan adekuadu ba kosok-oan sira ne'ebé seidauk to'o fulan neen no iha sidade tolu metade ka produtu sira seluk fornese liu 30% hosi kaloria sira liuhosi masin-midar.

Iha 1/3 hosi produtu sira, masin-midar, sumu ai-fuan konsentradu sira ka elementu sira ne'ebé halo midar produtu halo parte hosi lista ingrediente sira nian. "Aroma ho masin-midar sira ne'ebé adisiona bele afeta dezenvolvimentu hosi preferénsia sira hosi sabor labarik sira nian hodi aumenta gostu ba hahán sira ne'ebé midar liu", OMS hatete.

Maski hahán sira hanesan ai-fuan sira ho vejetal sira, ne'ebé naturalmente iha ona masin-midar, hanesan apropriadu ba kosok-oan sira ho labarik ki'ik sira, "nível aas hosi masin-midar livre sira iha produtu komersial sira hanesan puré sai mós hanesan motivu preokupasaun nian", hatete hosi organizasaun.

OMS nia rekomendasaun sira indika katak labarik sira tenki hemu susu-been inan nian iha fulan neen dahuluk moris nian no hahán komplementar sira labele anunsia hanesan hahán ba kosok-oan sira ne'ebé seidauk to'o fulan neen, maibé estudu rua ne'e hatudu katak empreza sira la halo tuir.

Maski permiti hosi lejislasaun Uniaun Europeia nian, OMS hatete katak hahalok hosi empreza sira "la fó homenajen ba Kódigu Internasional hosi Komersializasaun hosi Substitutu sira hosi Susu-been Inan nian" no la respeita matadalan organizasaun nian.

"Sira afirma klaru katak hahán komplementar komersial sira labele fa'an hanesan adekuadu ba labarik sira ne'ebé seidauk iha fulan neen", subliña hosi OMS iha komunikadu ida kona-ba estudu ne'ebé aprezenta iha Bruxelas iha loron-segunda ne'e.

Serbisu ne'e halo entre fulan-Novembru 2017 no fulan-Janeiru 2018.

"Hahán ba kosok-oan sira ho labarik ki'ik sira tenki atende ba rekomendasaun oioin ne'ebé estabelese hosi nutrisaun ho kompozisaun. Maibé, iha preokupasaun sira katak produtu barak sei nakonu ho masin-midar", hatete hosi João Breda, xefe hosi Eskritóriu Europeu hosi Prevensaun ho Kontrolu Moras sira ne'ebé La'ós Kontajiozu hosi OMS.

Hodi ajuda nasaun sira hodi avansa ho rekomendasaun nutrisional sira, OMS hato'o proibisaun ba masin-midar adisionadu sira, inklui konsentradu sumu ai-fuan sira, iha hahán tomak ba kosok-oan sira, limitasaun hosi nível total hosi masin-midar sira hosi snack sira ho masin ba valor ki'ik liu hosi 15% hosi enerjia nian no uzu hosi puré ai-fuan nian ba 5% hosi todan total hahán nian.

Hato'o mós proposta hodi hadi'a rotulajen kona-ba produtu sira masin-midar nian no ba nível total sira ai-fuan nian, nune'e mós diminuisaun hosi nível máximu ne'ebé permiti hosi masin ba 50mg/100Kcal no 50mg/100gr iha maioria hosi produtu sira.

OMS defende mós katak hemun sira ai-fuan nian, alternativu sira ba susu-been/susu-been karau nian ne'ebé iha masin-midar no hahán midar sira labele fa'an hanesan hahán adekuadu ba kosok-oan sira ka labarik sira ne'ebé seidauk to'o tinan tolu (fulan 36).

Fonte: Ajénsia Lusa

komentáriu sira