moris di'ak

Fó susu hamenus risku komportamental sira no saúde nian iha labarik no adolesente sira

SAPO TL, 23 de juñu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kosok-oan sira ne'ebé hemu susubeen inan nian iha fulan neen dahuluk iha sira nia moris hetan benefísiu hosi redusaun ida ba metade ba risku distúrbiu sira entre tinan hotu to'o tinan 11.

Investigasaun ida ne'ebé publika iha semana ne'e konklui katak kosok-oan sira ne'ebé hemu de'it susubeen inan nian iha menus 56% hipóteze hodi dezenvolve distúrbiu komportamental sira entre tinan hitu to'o tinan 11.

Estudu seluk, ne'ebé fó sai iha loron-tersa, relasiona nível matenek no funsional hosi labarik tinan haat ho kualidade hosi estímulu ne'ebé simu hosi aman-inan sira to'o tinan haat.

Estudu rua, hala'o iha Áfrika-Súl no iha Pakistaun, finansiadu hosi Grand Challenges Canada (GCC), organizmu ida hosi Governu kanadianu ne'ebé promove saúde inan no oan sira nia iha nasaun sira ne'ebé iha dezenvolvimentu.

Peter Singer, médiku no konselleiru delegadu hosi GCC, afirma iha komunikadu katak "labarik na'in ida entre labarik na'in tolu iha nasaun sira iha dezenvolvimentu labele dezenvolve sira nia potensial tomak" no "estudu sira ne'e hatudu oinsá aman-inan sira bele tulun hodi dezenvolve labarik matenek no sosial sira", haktuir hosi TSF.

Estudu dahuluk, ne'ebé publika iha revista PLOS Medicine, hala'o ona hosi médika Ruth Bland, ne'ebé tuir ona dezenvolvimentu hosi labarik súl-afrikanu hamutuk 1.500.

Estudu daruak, publika iha revista The Lancet Global Health hosi médika Aisha Yousafzai, hosi Universidade Aga Khan hosi Karachi, sentra ona iha grupu ida ho labarik hamutuk na'in 1.302 ho tinan haat ne'ebé mai hosi zona rural sira iha Pakistaun.

Família sira ne'e uza brinkedu ka utensíliu sira iha uma hodi estimula kapasidade kognitivu no motora hosi labarik sira. Estudu ne'e hakotu katak labarik sira ne'ebé simu "estímulu sensível" to'o tinan haat iha liu posibilidade hodi iha koefisiente intelektual boot.

Fonte: SAPO Lifestyle

komentáriu sira