moris di'ak

Feto ne'ebé konsege moris hasoru ébola mate ona hafoin tuur-ahi

SAPO TL, 06 de marsu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Feto liberianu Salome Karwah, ne'ebé sai hanesan kapa iha revista Time iha Novembru 2014 hanesan símbolu hosi sobrevivénsia hasoru vírus ébola, mate hafoin tuur-ahi ba nia oan-mane dahaat.

Salome sai ona hanesan símbolu hosi kbiit no ajuda humanitáriu nian, tanba halakon moras no uza nia experiénsia hodi tulun ema sira seluk ne'ebé infetadu ho vírus, serbisu hanesan asesora iha organizasaun Médecins sans Frontières (MSF).

Iha Áfrika Osidental, Libéra hetan ona ema hamutuk 29.000 resin ne'ebé maka infetadu iha períudu tinan rua ne'ebé maka vírus ne'e sai hanesan epidemia. Hosi total ne'e, parte 1/3 mate.

Tuir nia laen, marka ne'ebé asosiadu ba moras ne'e sai duni hanesan mortal hanesan nia moras rasik.

"Ha'u nia feen mate ona, tanba la hetan atendimentu hosi enfermeira sira no médiku sira. Ha'u fiar katak razaun ne'e tanba nia hanesan portadora hosi ébola nian", hatete hosi James Harris.

"Ha'u afirma ne'e, tanba ha'u rona enfermeira balun konta ba belun sira katak sei la hakbesik ba nia", nia hatutan.

Bainhira nia simu alta hafoin tuur-ahi, Karwah hetan komplikasaun sira, maibé ospital indika de'it ai-moruk ida ne'ebé maka James Harris la konsege hetan.

Liutiha tempu balun, nia feen mate.

Ospital lakohi halo komentáriu kona-ba Salome Karwah nia mate, maibé visi-ministru saúde liberianu nian, Francis Kateh, hatete ona ba ajénsia notísia
France Presse katak autoridade sira investiga hela kazu ne'e.

Fonte: SAPO Lifestyle

komentáriu sira