moris di'ak

Feto isin-rua sira tenki aumenta konsulta ba médiku - OMS

SAPO TL, 16 de novembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Rekomendasaun foun hosi Organizasaun Mundial Saude nian, ne'ebé publika iha semana dahuluk fulan-Novembru nian, akonsella ba feto isin-rua sira hodi vizita médiku pelumenus dala ualu, hodi aumenta númeru ne'ebé rekomenda antes.

Inan sira tenki vizita médiku sira pelumenus dala ualu durante isin-rua, aumenta númeru ne'ebé rekomenda antes hosi OMS (Organizasaun Mundial Saúde) nian.

Tuir espesialista sira hosi OMS, akompaña hosi médiku pelumenus dala ualu durante gravidés no la'ós dala haat, bele hamenus taxa mortalidade labarik nian ba labarik na'in 8 entre labarik na'in 1000 ne'ebé moris.

Iha 2015, taxa global hosi mortalidade infantil nian maka na'in 32 entre na'in 1000 hosi labarik sira ne'ebé moris, ne'ebé signifika katak kosok-oan millaun lima resin labele moris liu loron 28 hafoin moris. Maibé ho rekomendasaun foun ne'e, númeru bele tuun ba 24, nune'e bele iha kosok-oan saudável sira hamutuk millaun ida resin.

Sekretáriu-jeral ONU nian, Ban Ki-moon, ko'alia kona-ba medida foun ne'e: "Rekomendasaun foun sira ne'e hanesan di'ak tebes, tanba insentiva feto sira hodi ba iha sentru saúde nian, hodi iha esperiénsia di'ak liután iha gravidés no kontribui atu kosok-oan sira iha moris dahuluk ne'ebé saudável".

Fonte: SAPO Lifestyle

komentáriu sira