moris di'ak

Facebook nia na'in promete billiaun tolu hodi kura moras sira hotu

SAPO TL, 22 de setembru de 2016

  • Mark Zuckerberg (Foto@ Peter DaSilva / EPA)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kofundadór hosi Facebook Mark Zuckerberg no nia feen, médika Priscilla Chan, promete ona iha loron-kuarta ne'e (21/09) fó dolar billiaun tolu iha tinan sanulu oinmai hodi prevene, kura no halakon moras mortal sira hotu.

"Hanesan objetivu boot ida", Zuckerberg hatete iha eventu ida iha San Francisco, iha Califórnia, bainhira fó sai objetivu foun hosi Inisiativa Chan Zuckerberg. "Maibé iha tinan hirak ikus ne'e ami ko'alia ho espesialista sira ne'ebé fiar katak bele no, nune'e, maka ami halo", nia hatete.

Kaben-na'in nia oan-feto Max moris iha tinan liubá no, hafoin ne'e, promete ona fó 99% hosi sira nia asaun iha Facebook - besik dolar billiaun 45 resin - hodi "impulsiona ema nia potensial no promove igualdade".

Iha eventu loron-kuarta ne'e, Zuckerberg hatete katak objetivu hosi inisiativu maka kura moras sira hotu ka pelumenus muda moras mortal sira iha moras administrável sira. Priscilla Chan, ne'ebé hanesan pediatra, afirma katak nia promesa la signifika katak labarik sira sei la hetan moras maibé ne'e hatete katak labarik sira sei ladún hetan moras no ho gravidade ki'ik.

Investimentu dahuluk hosi esforsu ne'ebé Zuckerbegs hein katak hanesan "koletivu" maka kriasaun hosi sentru biolójiku ida iha San Francisco, ne'ebé sientista sira serbisu hela iha dezenvolvimentu ba dalan sira hodi estuda no komprende di'ak moras sira.

"Durante istória naruk siénsia nian, avansu barak halo liuhosi invensaun ba teknolojia foun ida ne'ebé permiti haree buat sira ho dalan oinseluk", Zuckerberg hatete hodi temi hanesan ezemplu hosi mikroskópiu no sekuénsia sira hosi ADN.

"Dalan sira mós harii avansu sira hodi oinsá ita trata moras sira", nia hatutan.

ho AFP

komentáriu sira