moris di'ak

EUA ho Brazil entre nasaun sira ne'ebé rejeita abortu durante konferénsia iha Kénia

SAPO TL, 14 de novembru de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Nasaun sanulu rejeita ona, iha loron-kinta, asina kompromisu ho konkluzaun sira iha asuntu sira hanesan abortu ho kontrolu natalidade nian durante Konferénsia Internasional ba Populasaun ho Dezenvolvimentu (CIPD25) ne'ebé halo iha Kénia dezde loron-tersa ne'e.

"Laiha direitu internasional ba abortu", deklara hosi xefe delegasaun norte-amerikanu, Valerie Huber, ba imprensa bainhira le komunikadu ida ne'ebé aprova hosi nasaun sira ne'ebé maka partisipa iha konferénsia.

Reprezentante afirma ona katak "lei internasional sira hatete klaru katak mundu tomak iha direitu ba moris".

Tuir komunikadu, Estadus Unidus Amérika, Biolerúsia, Brazil, Hungria, Polónia, Santa Lúcia, Ejiptu, Haiti, Senegal ho Uganda la halo parte hosi "dokumentu internasional sira ho lia-fuan ho espresaun sira ne'ebé la klaru, hanesan direitu seksual sira ho reprodutivu sira, ne'ebé laiha konsensu internasional", tanba fiar katak "uza ona ho dalan agresivu hodi promove prátika balun hanesan abortu".

Reprezentante sira hosi nasaun 160 resin debate hela, dezde loron-tersa, kona-ba oinsá aselera programa asaun ne'ebé konkorda ona iha CIPD ne'ebé asina iha Kairo iha tinan 1994, ida dahuluk ne'ebé maka saúde seksual ho reprodutivu hahú konsidera hanesan direitu ema ida nian, no ne'ebé maka ko'alia ona tema sira hanesan mortalidade inan nian ho violénsia doméstika.

Iha nia komunikadu, nasaun sanulu desvinkuladu husu atu respeita objetivu sira ne'ebé konsege ona iha Kairo maibé kritika falta konsensu durante konferénsia.

"Rezultadu sira hosi konferénsia la hetan negosiasaun ho dalan intergovernamental no la hanesan rezultadu hosi prosesu konsensual ida, no tanba ne'e tuir loloos labele konsidera hanesan normativu no labele mosu iha dokumentu futuru sira hanesan linguajen ne'ebé negosiadu ho dalan intergovernamental", afirma hosi Huber iha loron-kinta ne'e.

Entre krítika sira hosi nasaun sira ne'e, destaka rezisténsia hodi apoia saida maka konsidera "edukasaun seksual ne'ebé falla hodi mantén aman-inan sira envolvidu no ne'ebé promove abortu hanesan dalan ida hosi planeamentu familiar".

Nasaun sira sensura mós faktu ho baze prinsipalmente kontrolu ba natalidade no la'ós nia impulsu, hafoin previzaun sira ne'ebé halo iha Kairo kona-ba projesaun sira hosi aumentu populasional la kumpri "ho maioria hosi rejiaun sira iha mundu ho taxa fertilidade ida ki'ik liu duké taxa sira substituisaun [hosi populasaun]".

"Hanesan rezultadu, planeamentu familiar tenki sentra iha oinsá bele ho dalan voluntáriu gravidez nian no mós prevene gravidez ida ne'ebé lahó planu", hatete hosi delegada norte-amerikanu.

Tema sira ne'ebé destaka iha konferénsia ne'e, barak maka hamosu entendimentu ne'ebé ladi'ak entre minoria ida hosi grupu ultrakonservador sira ho relijiozu sira ne'ebé halo manifestasaun iha estrada sira Nairobi nian, maka igualdade jéneru nian, direitu ba abortu, direitu seksual sira hosi ema sira ho defisiénsia, planeamentu familiar ho violénsia doméstika.

CIPD25, ne'ebé hotu iha loron-kinta ne'e iha Nairobi, organiza hosi Fundu ONU nian ba Populasaun (UNFPA) ho Governu sira hosi Kénia ho Dinamarka.

Fonte: Ajénsia Lusa

komentáriu sira