moris di'ak

Estudu: Vasina foun bele hamenus mate tanba diareia iha Áfrika

SAPO TL, 23 de marsu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Vasina foun ida kontra rotavírus, vírus ne'ebé hamosu diareia ho gastroenterite sira, bele sai di'ak liu no baratu liu, hamenus maka'as moras ne'e iha nasaun sira ne'ebé iha dezenvolvimentu, haktuir hosi estudu ida ne'ebé fó sai iha loron-kuarta ne'e.

Vasina foun bele di'ak liu 67% iha prevensaun ba gastroenterite maka'as ne'ebé maka halo hosi vírus, haktuir hosi investigador sira hosi Universidade Harvard, Estadus Unidus, no hosi asosiasaun Epicentre, hosi Paris (harii hosi Médecins sans Frontières no sentradu iha peskiza no formasaun).

Rotavírus hanesan responsável hosi 37% mate sira tanba diareia iha labarik sira ne'ebé seidauk iha tinan lima, total ida besik labarik besik na'in 450.000 tinan-tinan, liuliu iha Áfrika subsarianu. Hanesan kauza prinsipal hosi diareia todan ka gastroenterite todan ne'ebé akontese iha labarik sira no medida sira hijiene nian la impede transmisaun, nune'e vasinasaun hanesan importante.

Iha nasaun sira ne'ebé taxa rotavírus hanesan aas tebes no asesu ba kuidadu sira saúde nian hanesan ki'ik, vasina sira tenki hanesan baratu no fásil atu rai, nune'e, hanesan ezemplu, bele estável iha temperatura aas, hatete hosi autor sira serbisu nian.

Agora daudaun iha vasina rua hasoru rotavírus maibé hanesan karun no tenki rai iha fatin malirin sira durante halo abastesimentu, nune'e ladún iha posibilidade ba nasaun sira hanesan Níjer, ne'ebé eletrisidade no kapasidade refrijerasaun nian ladún iha konfiansa, haktuir hosi responsável sira ne'ebé hatutan katak vasina foun hanesan estável ba rai-manas.

Tanba ne'e, aposta foun maka vasina ida adaptadu ba Áfrika, kontinente ne'ebé presiza liu, hatete hosi responsável ida ba estudu ne'e, Sheila Isanaka, profesora asistente iha Harvard, ne'ebé defende ona: Bainhira vasina iha disponibilidade maka'as iha Áfrika sei tulun projete labarik millaun resin ne'ebé fraku.

Iha ensaiu, peskizador sira halo ona estudu ida iha Níjer hodi avalia efikásia hosi vasina ho folin ki'ik no estável iha rai-manas, no rekruta ona labarik na'in 3.500 resin ne'ebé simu ona doze tolu hosi vasina ka plasebo.

Vasina ne'e hetan lisensa iha Índia maibé aprovasaun, koñesidu hanesan pré-kualifikasaun, hosi Organizasaun Mundial Saúde nian hanesan presiza antes bele sosa hosi ONU no hosi ajénsia governamental sira.

"Hafoin susesu hosi ensaiu klíniku vasina nian ami hein atu nia bele disponibiliza iha tempu badak ba labarik sira hosi Níjer no iha Áfrika tomak", Isanaka hatete.

Estudu ne'e publika iha loron-kinta iha “New England Journal of Medicine”.

ho Lusa

komentáriu sira