moris di'ak

Estudu: Konsumu kaloria halo aumenta progresu malária nian

SAPO TL, 05 de jullu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Konsumu kalria nian halo aumenta violénsia hosi parazita malária nian, deskobre hosi investigador sira ne'ebé lidera hosi Maria Manuel Mota, hosi Institutu Medisina Molekular Lisboa nian iha estudu ne'ebé publika iha loron-kuarta ne'e.

"Ami nia serbisu hatudu katak, depende hosi númeru kaloria sira nian ne'ebé maka ita han, liu duké kualidade hosi dieta, kuantidade elementu sira nian, iha kapasidade hodi fó influénsia ba violénsia hosi parazita nian", ne'ebé multiplika bainhira ema han kaloria barak.

Konkluzaun hatudu katak posibilidade ki'ik hodi mate bainhira ladún han nutriente sira.

Ekipa hosi Maria Manuel Mota, konsege deskobre molékula ne'ebé maka funsiona hanesan "sensor" ba parazita no ne'ebé permiti hatene estadu nutrisional hosi hospedeiru nian.

Objetivu ikus maka konsege prodúz ai-moruk ne'ebé atua iha molékula no konsege versaun ida "hodi halo fraku" moras ne'e.

Maria Manuel Mota afirma mós katak parazita sira seluk hanesan tripanossoma, responsável ba moras dukur nian iha Áfrika no moras hosi Tripanossomíase amerikanu iha Brazil, iha sistema hanesan ho malária nian.

Plasmodium falciparum, parazita ne'ebé hamosu malária ne'ebé todan liu, iha minutu ida oho labarik na'in ida no, maski iha parte barak ema barak konsege moris, tinan-tinan iha infesaun foun hamutuk millaun 200.

Parazita malária nian haketak malu iha glóbulu mean raan nia laran no, tanba iha "tendénsia global alarmante ida ba obezidade nian, inklui iha rejiaun endémiku sira malária nian", hanesan iha Áfrika, estudu muda hanoin hanoin kona-ba "dinámika infesaun ida malária nian", haktuir hosi investigadora.

ho Lusa

komentáriu sira