moris di'ak

Estudu hatudu katak han barak ai-fuan no modo-tahan hadi'a humor

SAPO TL, 21 de fevereiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Investigasaun ida hosi Universidade Otago, iha Nova Zelándia, afirma katak konsumu ba modo-tahan bele aumenta parte psikolójiku iha de'it semana rua nia laran.

Lidera hosi Tamlin Corner, hosi Departamentu Psikolojia hosi Universidade ne'e, estudu hatudu katak konsumu adisional ai-fuan nian no modo-tahan hamosu sinal oioin motivasaun nian, moris di'ak, humor no vitalidade hosi joven adultu sira iha loron 14 nia laran.

Estudu bazeia iha avaliasaun psikolójiku sira ba estudante na'in 171, ho tinan entre 18 to'o 25.

Partisipante sira fahe ba grupu tolu no halo ona avaliasaun psikolójiku oioin iha períudu ne'ebé la hanesan ho baze hosi análize ba sintoma sira depresaun no ansiedade nian, estadu humor nian no motivasaun.

Grupu ida mantén nia dieta normal, ida seluk han porsaun extra rua ai-fuan no modo-tahan nian no grupu datoluk simu voucher no mensajen sira ho textu alerta hodi aumenta han ai-fuan no modo-tahan sira.

Iha estudu nia rohan, konklui ona katak estudante sira ne'ebé simu porsaun adisional ba ai-fuan no modo-tahan sira hanesan sira ne'ebé maka han liu modo-tahan: iha média porsaun loron-loron hamutuk 3,7.

Investigador sira konklui ona katak grupu ne'e sai úniku ne'ebé maka hatudu di'ak iha sinal sira hosi moris psikolójiku iha loron 14 nia laran, hodi hatudu vitalidade boot ida, humor di'ak no motivasaun.

Fonte: SAPO Lifestyle

komentáriu sira