moris di'ak

Espozisaun ba barullu durante isin-rua prejudika dezenvolvimentu no audisaun kosok-oan nian

SAPO TL, 11 de outubru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Estudu ida ne'ebé hala'o hosi Institutu Medisina Ambiental (IMM), hosi Estokolmo, konklui ona katak espozisaun ba barullu durante isin-rua aumenta risku atu kosok-oan bele dezenvolve problema sira audisaun ka problema sira iha tilun.

Investigasaun, ne'ebé dezenvolve iha Institutu Karolinska, konklui ona katak espozisaun ba barullu durante isin-rua bele aumenta risku ba 80% atu kosok-oan bele sai diuk.

"Saúde tilun nian tenki iha relasaun ho ambiente sosial sira ne'ebé ita frekuenta, maibé, importante liu iha ambiente profisional sira. Preokupasaun boot liu hosi inan ida maka saúde hosi labarik ne'ebé sira lori", konsidera hosi Pedro Paiva, Audiolojista hosi MiniSom.

Bainhira ita nia profisaun husu atu iha beibeik espozisaun ba barullu maka'as duké barullu rekomendável, tenki muda alterasaun sira iha períudu isin-rua nian. Empreza sira no feto sira ne'ebé hakarak sai inan tenki hatene estudu ne'e", nia hatutan.

EStudu konklui ona katak labarik millaun 1,4, moris iha Suésia entre tinan 1986 no 2008. Informasaun sira hetan inklui atividade profisional hosi inan sira nian no karakterístiku sira hanesan tinan, etnia, índise todan isin nian, tabako no fatór sosioekonómiku sira.

Rezultadu sira hatudu ona katak, ba grupu serbisu na'in sira iha part-time kompara ho sira ne'ebé serbisu full-time, proporsaun hosi risku ajustadu kona-ba perturbasaun auditivu ne'ebé asosiadu ho espozisaun inan nian iha ambiente sira ho barullu aas liu 85dB hasoru menus 75dB maka 1,27. Serbisu na'in sira iha full-time, analiza tiha ona hanesan grupu ida, no relasaun risku nian maka 1.82.

"Rekomendasaun hosi Autoridade Sueku ba Ambiente Serbisu nian maka feto sira evita nível barullu nian ne'ebé aas liu 80dB maski, infelismente, la halo tuir. Ami nia estudu hatudu katak presiza tebes atu serbisu na'in sira observa rekomendasaun ne'e. Maski feto isin-rua sira rasik uza protetór iha tilun iha ambiente barullu nian, kosok-oan sira ladún hetan protesaun", refere hosi Jenny Selander, autór prinsipal hosi estudu ne'e.

Fonte: SAPO Lifestyle

komentáriu sira